Video
Read full review
2022-02-10
1258 views
餐廳：麺屋こころ (灣仔)地址：灣仔灣仔軒尼詩道68號地下1C舖こころ(Kokoro)解作「心」，老闆希望呢間麺屋 @kokorohkg 無論對客人定食物都喺用心去對待💕，而佢哋仲喺香港第一間嘅日式撈麵店🍝，平時拉麵同沾麵就食得多🍜，呢度嘅撈麵由日本大廚親自操刀，唔喺有偏見，只喺老闆欣賞嚟自日本東京嘅淺山大師傅煮嘢食嗰種嘅專注同熱誠，同保持到貫切一致嘅水準，最希望能夠將日本嘅原味道帶嚟香港比大家🇯🇵開咗3個月嘅「麺屋こころ」較一般嘅傳統日式餐廳特別，專程邀請咗日本著名嘅女書道家万美小姐(Mami)合作去寫書法，為餐廳嘅環境添上唔少藝術氣息🎨，可以比知音人一邊食嘢一邊去欣賞😌：喺透明嘅底板上使用色彩文字，用銀色顏料寫書法，道出日本茶道「和、敬、清、寂」嘅3D抽象表達，除咗為狹小嘅店舖產生更廣嘅空間感，仲令人唔多唔少咁思考人生活着之道；「仁、義、禮、智、信」五個字，亦表達出我哋同人相處時應有嘅元素同態度，整體意念都喺希望客人可以心無雜念咁享受呢度嘅撈麵同呢段美好時光🥰餐廳主打8款撈麵同1款拉麵，另外仲有迷你丼飯同小食🍚，撈麵有兩個size揀，主要喺麵底份量嘅大小唔同，大嘅喺220g，中si
地址：灣仔灣仔軒尼詩道68號地下1C舖
こころ(Kokoro)解作「心」，老闆希望呢間麺屋 @kokorohkg 無論對客人定食物都喺用心去對待💕，而佢哋仲喺香港第一間嘅日式撈麵店🍝，
平時拉麵同沾麵就食得多🍜，
呢度嘅撈麵由日本大廚親自操刀，唔喺有偏見，只喺老闆欣賞嚟自日本東京嘅淺山大師傅煮嘢食嗰種嘅專注同熱誠，同保持到貫切一致嘅水準，最希望能夠將日本嘅原味道帶嚟香港比大家🇯🇵
開咗3個月嘅「麺屋こころ」較一般嘅傳統日式餐廳特別，專程邀請咗日本著名嘅女書道家万美小姐(Mami)合作去寫書法，為餐廳嘅環境添上唔少藝術氣息🎨，可以比知音人一邊食嘢一邊去欣賞😌：喺透明嘅底板上使用色彩文字，用銀色顏料寫書法，道出日本茶道「和、敬、清、寂」嘅3D抽象表達，除咗為狹小嘅店舖產生更廣嘅空間感，仲令人唔多唔少咁思考人生活着之道；
「仁、義、禮、智、信」五個字，亦表達出我哋同人相處時應有嘅元素同態度，整體意念都喺希望客人可以心無雜念咁享受呢度嘅撈麵同呢段美好時光🥰
餐廳主打8款撈麵同1款拉麵，另外仲有迷你丼飯同小食🍚，撈麵有兩個size揀，主要喺麵底份量嘅大小唔同，大嘅喺220g，中size就150g。佢哋所用嘅麵底喺自己打嘅蕎麥麵，喺日本代表和食之一，指嘅喺將蕎麥果實磨成粉狀之後加水整成麵團，再切成細細長長嘅麵條而成
每張枱亦有教學點樣去食佢哋嘅撈麵，分幾次去加黑胡椒、Kokoro秘製昆布香醋，同最後食完撈麵再加米飯整成肉燥飯，比你一碗麵都可以食出唔同層次👍
✝️正宗全料東京撈麵(中) $99
材料有辣肉燥、豚肉粒、半熟蛋、生雞蛋🥚、香筍、海苔、青蔥同京蔥等，
撈勻嚟食鹹香惹味，辣肉燥亦喺成碗麵嘅主角，食落帶有陣陣辣香🌶，加上蛋黃漿嘅黏滑口感，爽脆嘅香蔥，成個麵無論視覺上、味道上嘅層次都好豐富😎
✝️24月熟成芝士撈麵(大) $109
呢個撈麵最不容忽視緊喺佢哋嘅24月熟成芝士，風乾熟成過程愈長，巴馬臣芝士嘅濃郁芳香就會慢慢提升🧀，仔細品嚐仲會食到陣陣果仁香。
熱熔過嘅芝士有拉絲效果，配上炒雜菌、海苔等配料，就咁食就已經好「芝」味，感覺會有啲膩，不過加上餐廳自己研製嘅玫瑰果醬同埋黑胡椒，玫瑰果醬中和咗啲芝士嘅飽滯感，食落味道就會比較balance😋
Post
