Read full review
2021-02-15
2256 views
電視節目入面，一提起深水埗餃子店，就一定會介紹圓方，其實我多年前都有幫襯過，印象中並非如此出色，但最近又有節目介紹，所以就再一次嚟俾多次機會佢。門外已經有大大個餐牌，非常清晰。呢度除咗有著名嘅餃子之外，仲有粥粉麵飯、腸粉油器等等。嚟到圓方一定係食餃子，我就揀咗西洋菜餃拼韭菜餃，雙拼都唔使加錢，$29有八隻，價錢合理。魚湯比較啖口，不過勝在夠雪白又冇腥味，用嚟餃子放湯配搭唔錯。因為兩款菜都屬於深色嘅蔬菜，所以憑外表係分唔到兩款餃子，但食落就味道分明。西洋菜餃同韭菜餃都係多菜少肉，基本上係九比一嘅比例，我就幾鍾意。餃子皮不厚不薄，尚可接受。但佢嘅豬肉食起嚟有啲筋，我吐咗幾粒，不過太不雅不便拍照。諗住淨係食餃子有啲dry，但食粥又成肚水咁，所以就叫咗碟腸粉食。我揀咗鮮滑牛肉腸粉，不過就令我覺得好失望。首先佢嘅腸粉一啲都唔滑，皮亦都非常厚，仲可能係佢嘅豉油味道，令我覺得食起上嚟微微帶酸，不過我見佢係新鮮製造，所以都冇要求更換。另外佢嘅鮮滑牛肉一啲都唔滑，目測簡直係好似煲湯瘦肉咁鞋口，最後我都冇食哂。其實深水埗仲有好多好好食嘅餃子有待大家發掘，特色嘅餃子餡又有，更加皮薄餡靚嘅亦有，所以大家除咗睇
門外已經有大大個餐牌，非常清晰。呢度除咗有著名嘅餃子之外，仲有粥粉麵飯、腸粉油器等等。
嚟到圓方一定係食餃子，我就揀咗西洋菜餃拼韭菜餃，雙拼都唔使加錢，$29有八隻，價錢合理。魚湯比較啖口，不過勝在夠雪白又冇腥味，用嚟餃子放湯配搭唔錯。因為兩款菜都屬於深色嘅蔬菜，所以憑外表係分唔到兩款餃子，但食落就味道分明。
西洋菜餃同韭菜餃都係多菜少肉，基本上係九比一嘅比例，我就幾鍾意。餃子皮不厚不薄，尚可接受。但佢嘅豬肉食起嚟有啲筋，我吐咗幾粒，不過太不雅不便拍照。
韮菜餃
41 views
0 likes
0 comments
西洋菜餃
53 views
0 likes
0 comments
鮮滑牛肉腸
$21
30 views
0 likes
0 comments
另外佢嘅鮮滑牛肉一啲都唔滑，目測簡直係好似煲湯瘦肉咁鞋口，最後我都冇食哂。
其實深水埗仲有好多好好食嘅餃子有待大家發掘，特色嘅餃子餡又有，更加皮薄餡靚嘅亦有，所以大家除咗睇節目介紹之外，都不妨周圍發掘下更多深水埗嘅美味餃子。
Post
