Video
Read full review
2014-12-31
1287 views
話說12月中個陣有朋友帶小弟去灣仔食日本料理不過日本料理又點解要特登去灣仔食除非你話係咩咩咩隱世老店但做人有得食唔食就真係罪大惡極身體最後好誠實咁跟左去食上到去可能因為係平日，所以唔係人多但入到去聽到同見到有D 日本人黎左食可能因為係樓上鋪同唔算多人(同無咁嘈)之後入左房仔坐，見到地下有塊牌未掛相信呢到應該係呢期新開聽講本店原先係其他地方未坐低第一下嗅到一陣煙味，唔清楚係通風唔好，定之前真係有人食完坐低左之後，服務都唔錯，立即有人上左茶先飲左啖，感覺上杯茶比較淡味未食野飲淡既茶好事黎，可以留返味覺俾野食 未正式食野之前有個前菜仔 - 燒鱈魚干燒得唔錯，脆得黎有魚味，而且切得夠簿身唔點佢個個沙律醬都好食但佢個沙律入口都唔油，小弟驚肥都無點太多食完前菜，當然要開始入返少少主題跟手就黎左個刺身拼盤同埋炸川蝦(呢兩樣係應該一齊上架咩??)刺身拼盤上面有五種刺身，師傳呢個時候都出左黎講左低左一樣好重要既野：刺身要由淺色既淡味食起，之後先到深色既濃味老老實實呢個常識唔會唔知，不過有時真係要人講起先會記得(哭笑)因為通常見到刺身拼盤個下大腦已經叫緊自己出手唔會諗咁多今次就好聽話，食D 淡味既淺色刺身
不過日本料理又點解要特登去灣仔食
除非你話係咩咩咩隱世老店
但做人有得食唔食就真係罪大惡極
身體最後好誠實咁跟左去食
上到去可能因為係平日，所以唔係人多但入到去聽到同見到有D 日本人黎左食
可能因為係樓上鋪同唔算多人(同無咁嘈)
之後入左房仔坐，見到地下有塊牌未掛
相信呢到應該係呢期新開
聽講本店原先係其他地方
未坐低第一下嗅到一陣煙味，唔清楚係通風唔好，定之前真係有人食完
坐低左之後，服務都唔錯，立即有人上左茶先
飲左啖，感覺上杯茶比較淡味
未食野飲淡既茶好事黎，可以留返味覺俾野食
未正式食野之前有個前菜仔 - 燒鱈魚干燒得唔錯，脆得黎有魚味，而且切得夠簿身
唔點佢個個沙律醬都好食
但佢個沙律入口都唔油，小弟驚肥都無點太多
食完前菜，當然要開始入返少少主題跟手就黎左個刺身拼盤同埋炸川蝦(呢兩樣係應該一齊上架咩??)
刺身拼盤上面有五種刺身，師傳呢個時候都出左黎
講左低左一樣好重要既野：
刺身要由淺色既淡味食起，之後先到深色既濃味
老老實實呢個常識唔會唔知，不過有時真係要人講起先會記得(哭笑)
因為通常見到刺身拼盤個下
大腦已經叫緊自己出手唔會諗咁多
今次就好聽話，食D 淡味既淺色刺身先
之後食八爪魚好記得D 吸盤好彈口 @@
同埋油甘魚入口係有少少油份，但易入口
不過真係要讚下師傳刀功好，塊刺身係透光架!!!
同埋個山葵係人手磨出黎(就咁食都幾好食)
透光架!!!另外，一齊送上黎既川蝦都要照顧下
呢種細細隻既川蝦最岩做下酒菜，個檸檬可以睇自己喜好加/唔加
食個陣隻蝦仔可以一啖入晒口，又唔洗自己拆
真係好方便送下酒，另一方面已經開左枝清酒飲 XD
佢有個細壺俾你倒D 清酒出黎，凍住倒左出黎既清酒
雖然麻煩少少，但幾有氣氛同埋可以keep住清酒係凍
中間有一、兩個細細地既凍盤沖一沖條利主要都係冬菇、蟹柳、杞子、醃日本蘿蔔同埋海帶
另外個碟係有條長條野既東東，酸酸地，又好難咬斷
入口有D 似酸薑
下面個舊白色野入口係有少少意外
初頭以為係爽口，但有少少硬身個種軟
仲有少少黏口，算幾過癮
之後有個鴨肉燒，印象唔算深刻但都算唔錯，可以慢慢調節返食濃味既食物
因為之後既有馬煮鰤魚比例濃味條魚好好味，火喉控制得好，唔係滑個種，但魚肉係軟身
個醬汁都煮得好好
另外，個D魔芋都幾好，入左味
不過最鍾意個D 豆，哈哈，可以送下酒
之後上左個關東煮，唔會有咩特別但水準一定有，食完可以期待下一道菜
之後個道菜係牛腸鍋比較可惜小弟本身唔食內臟
好在個鍋係落埋菜一齊煮
可以食下菜、豆腐同飲個湯
食之前望一望個鍋，見到個鍋本身有油係個面到
老細話正宗日本牛腸鍋先會有咁多油架
咁唔理啦，最緊要好飲好食
飲落去真係罪過罪過，唔會覺得油，仲要好甜(好邪惡)
飲完一碗真係忍唔到，最後好似飲左三、四碗湯先收手
不過做人緊記要健康，平時唔好飲咁多油野要做返唔少運動
再黎食過和牛茶潰飯(正)另外有個柚子醬跟黎食
茶潰飯就真係加茶黎食
重點：個飯入面有和牛!!!!!!!!!!!!!!!
入口，真係好想死係和牛手上(當然係要再高級個D啦)
不過呢塊都好正
同埋羅左個茶黎當湯飲 ^^
總體間野唔錯，收費上要有心理準備始終用料同師傅技術都有返咁上下
員工服務唔錯，同埋環境乾淨同明顯有心佈置過
惟一係地理位置黎講隱藏左少少
要行返入內街再上樓，但可能係咁先會少D 人
可以靜靜地一班人自己食下野
正門餐廳：水木日本料理 (Mizuki Japanese Restaurant)
地址：灣仔譚臣道13-15號萬利中心2/F
Post
