玉桃軒酒家 (Crocodile Center)

Open Now

Now Closed

一早同家人飲早茶，唔算難等位，又坐得舒服。蜜汁叉燒腸$19.8，夠熱，叉燒味香，北菇棉花雞$21.8，巨型北菇片一大塊，相信隻菇好大隻，魚肚棉花都有成三四舊，夠新鮮彈牙，索晒雞湯味，還有滑雞，新鮮、嫩滑。再來早晨孖寶，鳳爪排骨飯加粟米雞粒餃$29.8兩樣，迷你盅頭飯都算夠多餸。粟米雞粒餃真係第一次見，好新穎的配搭，外皮雖然較厚，但餡內雞肉鮮甜，粟米及芹菜粒極爽口，還有冬菇粒，健康食品選擇。重點推介新星，酒樓都有土匪雞翼$48有6隻，皮脆乾身，唔油膩，有啲芝麻香，又夠大隻，我一人食左三隻，超香脆。壓軸叫埋甜品椰汁百合燉雪蛤$38@，椰汁味香，有蓮子多舊雪蛤夠多料，滋補甜品。