Video
Read full review
2021-12-09
29 views
試食：云手工火鍋店 (尖沙咀)地址：尖沙咀加連威老道20號瑞生尖沙咀酒店3樓唔知你有無諗過打邊爐同煲湯喺可以雙劍合璧呢♋️?呢間位於瑞生尖沙咀酒店3樓嘅云手工火鍋店 @cloud.handmade.hotpot 由8月開到依家，火鍋店名嘅「手工」指嘅喺佢哋湯底、大部分食材都喺餐廳自家製，同時以健康同有特色為gimmick😋雖然火鍋店同瑞生尖沙咀酒店就無直接關係，不過酒店住宿期間喺到食嘢或者喺OpenRice訂座都有88折優惠，仲送湯底或者海鮮拼盤，詳情當然以火鍋店嘅為準啦😌✝️金湯花膠雞煲 $368佢哋有八款湯底可以揀，全部都係火鍋店大廚精心熬製🔥，例如用咗三款椰子——椰王、椰青、海底椰去煮嘅三椰火雞鍋；好似冬瓜盅，用素翅、菇菌、瘦肉、魚湯底去熬嘅松茸雞翅冬瓜魚鍋等。而我今次叫嘅喺金湯花膠雞煲🐓，相對前兩款比較清甜無咁重口味，每一啖都有濃郁鮮雞同花膠香，入面仲有足料嘅鮮雞件、花膠、素翅、腐皮等。一上枱嗰陣勁精緻，用一塊勁大嘅腐皮包住所有材料，再用香蔥紥住，好似一個大福袋🤣，剪開加入煲滾嘅湯底就可以當湯飲同開始打邊爐🍲，值得一提花膠都幾多，爽口充滿膠質，勁補🥰✝️野生竹笙 $128野生竹笙喺珍
地址：尖沙咀加連威老道20號瑞生尖沙咀酒店3樓
唔知你有無諗過打邊爐同煲湯喺可以雙劍合璧呢♋️?呢間位於瑞生尖沙咀酒店3樓嘅云手工火鍋店 @cloud.handmade.hotpot 由8月開到依家，火鍋店名嘅「手工」指嘅喺佢哋湯底、大部分食材都喺餐廳自家製，同時以健康同有特色為gimmick😋
雖然火鍋店同瑞生尖沙咀酒店就無直接關係，不過酒店住宿期間喺到食嘢或者喺OpenRice訂座都有88折優惠，仲送湯底或者海鮮拼盤，詳情當然以火鍋店嘅為準啦😌
✝️金湯花膠雞煲 $368
佢哋有八款湯底可以揀，全部都係火鍋店大廚精心熬製🔥，例如用咗三款椰子——椰王、椰青、海底椰去煮嘅三椰火雞鍋；好似冬瓜盅，用素翅、菇菌、瘦肉、魚湯底去熬嘅松茸雞翅冬瓜魚鍋等。而我今次叫嘅喺金湯花膠雞煲🐓，相對前兩款比較清甜無咁重口味，每一啖都有濃郁鮮雞同花膠香，入面仲有足料嘅鮮雞件、花膠、素翅、腐皮等。一上枱嗰陣勁精緻，用一塊勁大嘅腐皮包住所有材料，再用香蔥紥住，好似一個大福袋🤣，剪開加入煲滾嘅湯底就可以當湯飲同開始打邊爐🍲，
值得一提花膠都幾多，爽口充滿膠質，勁補🥰
✝️野生竹笙 $128
野生竹笙喺珍貴稀有嘅食材，有好多對身體有益嘅功效，例如對抗高血壓、抗癌、保健💪，營養價值極高。市面上有好多人工培植嘅竹笙，價錢同口感都會差好遠，
野生嘅竹笙爽滑得嚟一啲都唔會滑潺潺，咬落有啲爽彈，最重要分辨嘅特徵喺唔經漂白，所以呈白色但帶有微黃，每條大小都唔一樣，千祈唔好以為越白雪雪就越好😛
✝️自家製響鈴 $68
火鍋店自家製即叫即炸嘅響鈴，除咗可以放入鍋淥嚟食之外，仲可以直接當小食咁食😍，放入口超鬆脆，唔會卷到好厚實，不過就咁食有啲油膩，所以我都喺鍾意放入湯裡面淥2-3秒，少少煙韌帶啲香脆得嚟油膩感都少好多🥰
✝️松茸雞肉餃 $58/4隻
佢哋嘅餃子亦比較健康🥟，呢款手工包嘅松茸雞肉餃帶有菇香而且鮮甜多汁，加上成大舊嫩滑雞肉喺入面，確實幾足料👍，皮唔算好薄但勝在夠滑而且滾完都唔會爛開
✝️招牌新鮮鵝腸 $108
餐廳標榜嘅鵝喺新鮮之餘仲極肥美，當然想食瘦啲嘅人都可以request嘅😉，
長長嘅鵝腸連帶依附喺上面嘅肥膏，食落無咩腥臭味，口感以爽嫩有咬口為主，滾3分鐘就差唔多熟，真喺會忍唔住食完一條又一條🤤
呢到亦有各款特色刺身、高質本地手切牛🐂、唔同酒類提供，我另外叫咗杯西柚汁($38)過吓口癮。云手工火鍋店仲有5間VIP房，一班friend想食得開心啲仲可以包房，不過就有最低消費喇😎
Post
