茶墨 (Closed)

📍茶墨 (尖沙咀)🔍尖沙咀彌敦道100號The ONE 4樓L411號舖-----近年嘅台飲店多到好似雨後春筍一樣，隨街都有一間，而台飲飲得太多又容易發胖，所以我只會將我嘅quota留比我真係覺得有興趣有特色嘅台飲店。而呢間茶墨就係其中一間我會用我quota飲嘅茶飲店。-別樹一格嘅水墨風裝修style，非常賞心悅目，令人輕易就spot到佢，喺the one行街時候次次路過都好想試。終於今次就忍唔住一次過試晒佢哋嘅飲品同雪糕。-麻糬芋泥茉莉鮮奶綠（$39）：軟軟糯糯嘅麻糬，幼滑嘅芋泥，加上幽香嘅茉莉花茶同濃香嘅鮮奶，每一個配搭嘅用料都非常高質，尤其係麻糬，煙煙韌韌嘅口感令人完全欲罷不能，將我嘅台飲quota比佢係值得嘅。-柳橙冰搖綠茶（$32）相對於上述嘅麻糬芋泥茉莉鮮奶綠，呢杯冰瑤綠茶就係完全唔同風格嘅，飲落清清甜甜，飲完有refreshing嘅感覺，適合飯後解膩。-意式雪糕：第一次食，我同朋友就一人揀咗一款口味，分別係抹茶同青檸雪芭味。前者茶🍵味突出香濃，後者則無論酸味定甜味都會更突出少少，雖然各有特色，但個人覺得抹茶味更能令人留下深刻印象。