壹級日本料理 (Closed)

沙田除了在新城市一帶覓食外, 美林一帶也有不少食店, 早前就與舊同學去了新開的壹級日本料理聚舊食飯. 黎食日本嘢, 必定點刺身, 對於唔食生嘢的我, 見到又靚又新鮮的刺身也覺得吸引. 除了刺身, 也有熟食啱我食. 我就點了串燒, 包括牛舌串和雞肉軟骨串. 牛舌串. 牛舌較厚身, 較有咬口, 味道相對較濃, 啱晒我口味. 雞肉軟骨串. 與牛舌口感完全不同, 入口帶點脆身, 用來佐酒一流. 洋蒽煙肉芝士燒蠔. 上枱時已經香味撲鼻. 蠔面放了滿滿的半溶芝士, 愛芝士的朋友一定鍾意. 蠔身夠飽滿, 焗的時間控制得宜, 剛剛好, 夠肉汁, 完全不乾身. 配上半溶芝士, 雙重口感. 牛油果魚籽軟殼蟹卷. 賣相相當精緻. 軟殼蟹卷外層放了牛油果, 多了一份清新感覺. 而卷物面放了魚籽做裝飾, 入口又脆卜卜, 這樣一咬, 口感豐富. 最後, 點了黑松露帶子炒飯. 每一粒米炒得夠乾身. 當中混入了帶子粒和咸味黑松露, 起中和作用. 這一餐相當豐富, 沙田又多一間食店聚會.