肉骨皇 (Closed)

大坑出名多野食就係人都知！但無諗過呢度都食到咁地道的馬拉菜！天后地鐵站行10分鐘就到！店鋪不大，但相隔幾間鋪位已經傳來陣陣中藥材香味！來到一定要點肉骨茶！店員先用爐火把肉骨茶滾熱！一打開蓋 係超級香！好有藥材味！有好多豬軟骨，感覺上非常補身，同幾年前去馬來西亞食的味道差無幾！有專門點肉骨茶的醬汁！麥皮蝦蝦炸得香口，加埋麥皮，健康得來口感又特別！海南雞飯份量好足！可能知我大食，一個金字塔形的油飯，雞肉都嫩滑！