Read full review
2021-07-07
62 views
蟹仙海鮮蒸氣鍋 (龍崗道) (九龍城).今次同女朋友屋企人過嚟,帶佢哋試吓我哋經常推薦話好食嘅蟹仙其實我哋食開新蒲崗嗰間,不過由於屯馬啱啱開通,新屎坑想搭吓新嘅鐵路,所以就揀咗嚟九龍城,果然鐵路嘅開通後令到過嚟食好嘢都方便左勁多我哋四人都係揀選左$399嘅套餐,首先上枱嘅係潮州凍蟹,每人半隻,第一次食味道不過不失然後就一次過上晒大部份嘅貝類,當中有月亮貝,刀貝蚌,青口以及珍珠蠔,不得不提及嘅係呢度嘅珍珠蠔真係好肥美,每一次食都唔會令我哋失望。而青口就非常之大隻,連女朋友爸爸都話出面好少有咁大隻買之後就嚟到重頭戲,分別係琵琶龍蝦同埋大黃奄蟹,兩者都係非常之多膏琵琶龍蝦肉質鮮甜爽脆,而隻蟹又係勁肥美食完所有海鮮,就嚟到粥底,我哋將個蝦頭放埋落去一齊煲,令粥底更鮮甜。另外入面再加入粟米粒,醃過嘅排骨,芋頭等,基本上唔使點樣調味都非常夠味,但係佢都會比蔥粒以及菜脯粒你食完個粥仲有甜品送,之前我哋喺新蒲崗分店都已經有,估唔到原來呢間分店都有,仲要又係椰汁碎燕窩,養顏又好飲
.
今次同女朋友屋企人過嚟,帶佢哋試吓我哋經常推薦話好食嘅蟹仙
其實我哋食開新蒲崗嗰間,不過由於屯馬啱啱開通,新屎坑想搭吓新嘅鐵路,所以就揀咗嚟九龍城,果然鐵路嘅開通後令到過嚟食好嘢都方便左勁多
我哋四人都係揀選左$399嘅套餐, 首先上枱嘅係潮州凍蟹,每人半隻,第一次食味道不過不失
然後就一次過上晒大部份嘅貝類,當中有月亮貝,刀貝蚌,青口以及珍珠蠔, 不得不提及嘅係呢度嘅珍珠蠔真係好肥美,每一次食都唔會令我哋失望。而青口就非常之大隻,連女朋友爸爸都話出面好少有咁大隻買
之後就嚟到重頭戲,分別係琵琶龍蝦同埋大黃奄蟹,兩者都係非常之多膏
琵琶龍蝦肉質鮮甜爽脆,而隻蟹又係勁肥美
食完所有海鮮,就嚟到粥底,我哋將個蝦頭放埋落去一齊煲,令粥底更鮮甜。另外入面再加入粟米粒,醃過嘅排骨,芋頭等,基本上唔使點樣調味都非常夠味,但係佢都會比蔥粒以及菜脯粒你
食完個粥仲有甜品送,之前我哋喺新蒲崗分店都已經有,估唔到原來呢間分店都有,仲要又係椰汁碎燕窩,養顏又好飲
Post