宏 (Moved) New Location

呢間野我食過兩次～ 因為係the one黎講算係幾抵食又幾好味～上次黎都唔覺得有咩野～ 可能人少少就成間野有三四個待應都應付到，今次再去覺得食物差左，環境都好唔合格！首先係坐位安掛上已經好有問題，二人檯之間既座位好迫，入面果檯入親去都要出面果檯既人企起身讓位！搞到食緊果個又煩，出入果個又唔好意思！在我所見，有一半既二人檯都係咁！不停讓黎讓去！坐低之後，侍應會比杯清水你。雖然係熱水，但係水喉水味好重！而且個杯勁濕😑 感覺好唔乾淨！後尾見到佢地倒水... 先知道佢地係排曬d杯出黎好似仙女散花咁針水... 唔怪得個個杯都濕到爆，水吧張檯又濕，menu又濕... 好唔衛生！到食物！叫左個湯烏冬... 個碗邊又係好多湯汁... 好心倒左出黎都抹抹佢啦...另一個係野菜天婦羅冷烏冬～ 烏冬係好味既，不過天婦羅炸太耐，好乾！丸龜製麵都好味過佢，失曬水準！總結係水準比起以前差左好多！環境唔衛生，幾好食都無用！以後唔會再黎！