磯野水產

Open Now

Now Closed

繼續捉緊時間去夜晚堂食，咁就去左食海鮮同埋刺身，專登揀咗呢間專食磯燒海鮮嘅餐廳！一行入門口就見到店員喺到燒緊海鮮，勁正呀！首先黎個開胃前菜 - 鯷魚醬配蔬菜條，個醬鹹香味十足，配蘿蔔、青瓜呢類清淡味嘅蔬菜條，係大熱天時可以提高胃口。之後就叫左刺身盛合，有七款刺身。包括：深海池魚、吞拿魚腩、海膽、牡丹蝦、赤貝、三文魚、帶子。店員仲提我地由淡味開始食起。全部都好新鮮，其中最鍾意佢個赤具同埋牡丹蝦，我連豉油都冇點，完全感受到佢既鮮味。磯煮鮑魚煮完啲汁收晒落隻鮑魚度，但食落又唔太鹹，仲食到鮑魚既鮮味葱吞拿鱼蓉薄脆 ，有啲似平時食鵝肝多士既風格，上面係味濃又有油脂既吞拿魚再加上薄脆，正😄浜燒松葉蟹腳，用火槍燒左個面，鎖住肉汁，食落勁Juicy燒大蝦，大大隻勁新鮮！好爽口彈牙！岩岩個蝦頭仲可以加錢用嚟煮湯，一人一碗幾好喎！一款係蜆湯，另一款係魚湯。燒帶子切成粒，鮮甜至極，勁正呀喂！貴妃蜆好飽滿多汁，淡淡鮮味，食完回味無窮！決定下個星期又再嚟先！