黑門水產すいさん (棉登徑)

今日同朋友出咗尖沙咀行街，行完街諗住搵日本菜食，朋友帶咗過去一間日式居酒屋。黑門水產 地址喺尖沙咀棉登徑8號地下。去到餐廳由門口度入邊都係充滿日式風情，完全好似去咗日本嘅居酒屋一樣。北海道本釣池魚 268元 ，池魚非常新鮮，口感爽滑柔軟，肉質清爽香甜，入口魚味香濃，配埋紫菜一齊食，增添口感。蟹油蒜燒帆立貝 88元，即點即燒真係新鮮熱辣，蒜粒同香蔥令到帆立貝嘅鮮味更加突出，多咗陣蟹油嘅香味味道更加鮮甜。黑門令蟹味噌甲羅燒 78元，亦都係即點即燒，燒到香味撲鼻，材料好豐富有有蟹肉，蟹膏，蟹籽，鵪鶉蛋，蒜粒。入口味道甘香鮮甜。蟹膏同蟹肉嘅香味停留喺口中，真係好好味，配上梳打餅增添口感。黑門令海鮮茶碗蒸 88元，有三文魚籽，海膽，賣相真係勁吸引，蒸蛋吸收咗鮮味，口感幼滑味道香甜。黑門令海膽櫻花蝦海鮮炒飯 238元，材料豐富，海膽份糧好多，櫻花蝦帶點鹹香，令到海膽同蟹籽嘅鮮味提升。炒飯粒粒分明，無論火候同味道配搭都做到100分。