黑門水產すいさん (棉登徑)

黑門（尖沙咀）位於棉登徑，K11附近感覺似置身於日本嘅居酒屋，牆身放了很多宮崎駿嘅壁畫，地方又大又舒服修設計日系，餐廳仲有好多特色小食,海鮮各種時令嘅食材,都係新鮮空運到港海膽蟹味噌甲羅燒甲羅燒入面有海膽蟹肉鵪鶉蛋同蟹籽好香濃嘅海膽味，鹹鮮味十足，連埋蟹籽一齊食另口感層次豐富，鮮味爆棚，仲有專人燒好放在面前，連埋餅乾一齊食，有口感三文魚腩刺身三文魚腩刺身凝脂油花密佈，入口瞬間豐腴脂香，魚肉質地細緻柔嫩，有彈性，咬下時釋放出濃郁魚油甘香味壽喜牛肉鍋牛肉有四大片，肉質鮮嫩，脂肪同牛肉嘅比例平均，壽喜牛肉鍋的湯底甘醇濃郁，高湯的鮮甜與醬油層次豐富，牛肉薄片在沸騰的湯汁中輕涮，入口柔嫩多汁，脂香四溢，豆腐吸飽湯汁，咬下時豆香嫩滑，娃娃菜清甜爽脆，秀珍菇與冬菇濃郁菌香，金菇細緻口感，薯粉滑溜彈牙，吸附湯汁的精華，每一口都飽滿甘美，食材的鮮甜令人回味無窮北海道生蠔生蠔非常大隻，又厚身生蠔上面鋪滿大大粒魚子同埋蔥花，生蠔肉身飽滿如凝脂，入口冰涼滑嫩，爆出濃郁海水鮮味，奶油般甘甜，純淨鮮美酥炸雞軟骨金黃酥脆，咬下「喀嚓」作響，外層薄脆，軟骨嚼勁十足，帶點黏糯膠質，越嚼越有雞油香氣

今日再encore 呢間日本餐廳😆 估唔到既係佢轉左餐牌！價錢好似比之前便宜左，更加抵食😆😆一去到 老公話一定要嗌翻個黑門令蟹味噌甲羅燒，因為上次食過真係好好味！！ 果然個蟹味噌味道都係一樣好濃，好香，配埋蟹肉一齊燒味道濃郁又滿足。蟹肉又鮮又甜，食落好似滿載著海味，好有心思嘅一味。呢個絕對係蟹嘅粉絲必試嘅一款。跟住係黑門令煲仔龍蝦汁海鮮煮，呢款就更豐富啦！估唔到既係都幾多海鮮同蔬菜，個湯底係一個超級濃郁嘅龍蝦汁，配合埋本身海鮮既原汁喺度，令個湯底更加昇華, 好滿足感。呢個係啲鍾意海鮮嘅朋友一定要試!! 黑門令三文魚加州反卷，一上枱已經比佢吸引左！好大舊好足料，三文魚厚厚咁鋪咗喺面，飯嘅側邊鋪滿蟹子，配合埋加州醬汁同醋飯，卷起嚟好方便又好食，性價比超高！！！最後係大阪木津海鮮丼，呢個海鮮丼就係咁大份，刺身種類好多，色澤鮮亮，好新鮮，樣樣嘅刺身都好厚好大，唔同嘅海鮮拼一齊，好有層次感，食一啖就覺得好滿足。整體嚟講，呢間餐廳嘅食物真係物超所值，材料新鮮又用心製作，係刺身海鮮控真係唔可以錯過！！最重要係佢轉咗平嘅餐單，人均大約$200咋!! 真係值得encore 再encore!!!

今次嚟到尖沙咀依間黑門水產食日本野，裏面嘅野食種類非常豐富，主打海鮮等料理🥢，性價比超高，人均消費大約$200左右就已經食到高質素海鮮同好飽😋。海膽蟹味噌甲羅燒原隻蟹蓋裝住蟹肉🦀，蟹籽，海膽，蛋同香蔥，視覺效果相當誘人。蟹膏鮮味突出，鹹香得嚟唔會過膩，帶海膽甘甜嘅味💦。仲會食到絲絲蟹肉，增加口感層次。配埋旁邊嘅餅乾一齊食，增添脆口感之餘中和鹹味。辣酒煮活鮑魚（2本）一上枱就聞到濃郁嘅酒香同微微辛辣！鮑魚用咗新鮮活鮑，煮得啱啱好，咬落爽彈得嚟唔會韌🦪，仲保留到海鮮嘅鮮甜味。湯底唔會太重酒味，辣度啱啱好，飲完成個身暖笠笠♨️。最正係鮑魚吸收到湯汁精華，食落完全無沙。鐵板宮崎柚子胡椒香蔥牛舌心牛舌心外層煎到微焦脆口，咬落去超彈牙又唔韌。有柚子胡椒調味🧂，清新柑橘香氣同微微辛辣好開胃，仲有大量香蔥增加層次。配菜嘅洋蔥絲吸晒肉汁同柚子香🧅，撈埋一齊食超正！黑門三文魚加州反卷三文魚色澤鮮艷，三文魚魚油香特別濃郁，入口即化嘅口感好正🍣。反卷入面有齊青瓜、蟹柳同牛油果，食材新鮮爽脆，份量多又抵食。燒七里香串（一串）七里香燒得外皮微脆，咬落去爆出雞油香，帶微微炭香，外脆內嫩唔乾柴，最正係中間保持juicy

今次同朋友試左尖沙咀嘅黑門水產，人均$2xx已經食到三文魚、海膽、蝦、蟹、三文魚籽嘅唔同料理😋三文魚腩刺身超級厚切，脂肪紋理靚到發光，入口即溶，魚油香係口腔停留成分鐘海膽蟹味噌甲羅燒蟹蓋裝住濃郁蟹膏混海膽，撈勻烤到香噴噴，大大啖嘅海膽蟹味噌甲羅燒配埋餅乾一流黑門鮭魚熔岩活火山成座山咁高嘅三文魚片鋪滿成個碗，加上超惹味醬汁，面頭仲有超多蟹籽好似火山噴發咁瀉落嚟！挖開裏面仲藏住壽司小卷，口感超豐富，三文魚控必點！ 黑門三文魚加州反卷加州反卷包住滿滿三文魚同蟹籽，同「黑門鮭魚熔岩活火山」雖然都係有三文魚同蟹籽嘅組合，但竟然整出唔同嘅感覺海洋之心呢個真係奢華到震！頂層有魚子醬同海膽黃金組合，仲有生蠔、蝦、海葡萄，最誇張係啲三文魚籽大粒到好似珍珠咁，加埋隻蛋黃，撈埋底層壽司飯一啖入口，鮮味大爆發！ 總結：特別欣賞連伴碟嘅配菜都用左海葡萄😋整體用餐視覺同味覺雙重享受，無論環境定食材都好似喺日本食緊，超高CP值！

呢間超人氣居酒屋已經係第二次回訪啦！之前食過佢哋嘅魚生飯好唔錯 今次嚟到超有驚喜 佢哋竟然出咗新Menu啊 每樣嘢都超級高質😍😍😍🥢海洋之心 超新鮮嘅海膽刺身杯 海膽面頭鋪上魚子醬 配搭超級無敵多嘅魚子 仲有兩隻超鮮甜嘅生蠔 甜蝦 最驚喜係表面放上生食用嘅蛋黃 成個飯撈埋一齊超級正！🥢三文魚腩刺身/帆立貝刺身刺身超厚切 係出邊嘅兩倍咁厚 三文魚腩入口即溶 好似食緊拖羅帆立貝刺身鮮甜 有三大嚿咁多🥢三文魚反卷一上枱個份量嚇親我 有成六大件 而且每一件都有手掌咁大 三文魚超大件 反卷入邊仲包住好多唔同嘅配料 包括蛋青瓜，脆脆等等 重點係中間竟然有大量蟹籽 超級足料！🥢焦糖鵝肝蘋果多士呢個我當多士真係必食 鵝肝表面鋪滿焦糖 食落口甜甜地 而且有蘋果中和返個油膩感 邪惡得來又唔會好油膩 食完一件完全唔夠喉🥢黑門令大漁魚矛醬脆脆包呢個脆脆包，完全係滿足晒三心兩意嘅人 入邊有海膽、拖羅容、魚子、大蝦、蟹肉上面仲放咗自家製嘅脆蒜 一口食晒幸福感爆棚🥢拖羅大蝦手卷手卷嘅份量比得超級足 嘅炸蝦同埋玉子 一啖食入去超滿足呀人均只係二百幾蚊就食到超級飽 抵食又高質

尖沙咀黑門水產，令人感覺到日式居酒屋氣氛，裝修濃濃日本風味，人均消費大約二百幾，啱晒打卡同聚會。佢哋啲嘢食選擇好多，有日式磯燒、刺身、新鮮水產出名，餐廳主打用日本空運新鮮海產。黑門鮭魚溶岩活火山，三文魚鋪得滿滿，口感鮮甜，入口好滑，頂層系蘭王蛋，侍應會當場在火山上加入配料，最後再噴上金粉，火山入面系青瓜小卷。銀鱈魚西京燒定食好抵食，魚肉嫩滑，味噌醬汁鹹中帶甜，燒得微焦，外層焦香、內裡Juicy，跟埋麵豉湯、日本米飯同蒸蛋。汁燒神戶和牛漢堡定食，賣相一流，肉餅好厚身，肉汁豐富，牛味香濃，配埋籣王蛋汁和濃郁醬汁，口感滑溜又惹味；啲蔬菜配菜做得新鮮清甜。軟蟹捲香脆唔油膩，蟹肉又夠啖啖肉，配埋壽司飯同紫菜，一啖落去有脆口、鮮香、微鹹，好Q好煙靱。

打風前夕去食返餐好既🤓去chill下岩晒去居酒屋傾下計，食下家鄉食物北海道生蠔本來叫左一隻食，點知超正，勁大隻，好肥美又鮮甜，最後就叫多左隻食😂佢上面係酸酸甜甜嘅檸檬汁，再加埋少量嘅三文魚子刺身五盛三文魚腩真係超讚基本上每一舊刺身都係厚切好大嚿，而且都好新鮮黑門令拔絲蟹味噌甲羅燒店員都好好係燒之前俾我哋影張相先，跟住就會喺隔離火爐嗰度燒，睇住佢即場同我地處理啲芝士連埋甲羅燒一齊食，真係好惹味黑門鮭魚熔岩活火山超級驚喜三文魚包住入邊有好多舊嘅小壽司上面仲有生雞蛋，吞拿魚蓉，仲有好多嘅蟹籽真係好豐富🥹放喺啲小壽司上面食一啖咁食真係好滿足全部店員亦都好好，又幫手推介吓有咩好食😋

同朋友係尖沙咀行完街，見到呢間居酒屋幾特別，門外掛滿燈籠🏮，好有日本地道居酒屋feel，一於試試佢。餐廳裝修好日系，座位闊落，而且食物款式選擇多，質素唔錯👍黑門鮭魚熔岩活火山視覺效果爆燈！三文魚籽，吞拿魚蓉，蛋黃撈勻，一啖食落去超滿足，打卡必點📸 黑門令煲仔龍蝦汁海鮮煮龍蝦汁超濃郁，海鮮份量足，有蠔、蝦、螺、魷魚，仲有菇同芋絲吸曬龍蝦汁同海鮮既精華，好鮮味。 海膽燒帆立貝帆立貝又大又鮮甜，燒得啱啱好，加埋海膽一起燒更加鮮味。辣酒煮活鮑魚鮑魚新鮮彈牙，辣酒湯底夠香唔會死辣，仲有吸滿湯汁精華既白蘿蔔同海帶，正！花酒醬油漬甘海老甜蝦浸住花酒醬油，鮮味十足，仲帶少少酒香，好有風味。黑門令海鮮茶碗蒸蛋軟滑，入口即化，仲好足料！有海膽、蟹肉、蝦、三文魚籽同冬菇，鮮甜無比～人均$200左右就食到咁新鮮既海鮮，性價比幾高👍

📍黑門水產すいさん😍尖沙咀高質素日本餐廳👍🏻～黑門鮭魚熔岩活火山😍高質好味嘅打卡菜式😍三文魚非常新鮮😛吞拿魚蓉正😘各種醬料材料調配得好好👍🏻～黑門令海王龍珠卷❤️回味無窮嘅龍珠卷😛真心非常好食🤪蛋黃勁香😘魚肉非常大嚿新鮮👍🏻～黑門三文魚加州反卷😍好高質素嘅加州卷❤️重點再一提呢度嘅三文魚非常新鮮😍～鐵板宮崎柚子胡椒香蔥牛舌芯😘牛舌心爽口彈牙😘鐵板燒得勁香🤪調味亦都做得非常之好👍🏻～順帶一提😛餐廳環境靚😍食物質素高🥳店員服務態度好👍下次一定再嚟食😎📍黑門水產すいさん (尖沙咀)尖沙咀棉登徑8號地下3-4號舖

🦀海鮮套餐套餐的主打之一是蟹殼內的🦀甲羅燒，蟹肉搭配魚卵、青蔥和海膽，色澤鮮艷，散發著濃郁的海鮮香氣。蟹肉看起來鮮嫩多汁，魚卵增添了彈牙的口感，而海膽的濃郁風味無疑是亮點，與半熟蛋黃的滑嫩完美融合。旁邊的青瓜片和綠葉蔬菜不僅裝飾美觀，還提供清新的口感平衡。🦀魚生鮮紅的吞拿魚和橙紅的三文魚片，表面點綴著脆口的木魚絲，增添了層次感。吞拿魚的肉質顯得緊實，三文魚則帶有油潤的質地。配上一小份海膽和黑魚卵的組合飯，口感豐富，魚卵的微甜與海膽的鹹香相得益彰。🦀湯品方面，有一碗熱氣騰騰的味噌湯，湯色清澈，內含海帶和貝類，味道溫和卻濃郁。🦀茶碗蒸（蒸蛋）則以柔滑的質地和內含魚卵及蝦子，清新而不油膩。沙拉部分以生菜、番茄和醋飯為主，搭配醬汁，口感清爽，是套餐中的清口之選。🦀鐵板燒料理牛舌搭配洋蔥和青椒，表面灑上紅椒絲，色香味俱全。🦀熱鍋料理牛肉壽喜燒帶有豆腐、蘑菇和牛肉片，湯底看起來濃郁，搭配一顆生蛋。yummy! 🦀甲羅燒 (海膽蟹肉味噌甲羅燒）甲羅燒呈現在一個精緻的籐編盤中，搭配新鮮的蟹殼作為盛器。蟹殼內填充了豐富的配料，包括鮮嫩的蟹肉、細滑的魚卵、半熟的蛋黃以及點綴的青蔥和海膽，顏色鮮艷而層次分明

環境充滿日本風情,掛滿海報及魚網,有置身於日本市場一樣.主打海鮮浜燒,當然要叫招牌菜之一吧海鮮蟹味噌甲羅燒！有鵪鶉蛋、蟹肉、蟹膏、蟹籽及海膽,非常喜歡他不會過鹹也不太膩,就算單吃都非常好味！午市套餐嘅海膽櫻花蝦海鮮飯顏色非常吸引,內裏充滿海鮮,炒得乾身而且充滿櫻花蝦香氣.套餐包括有沙律、茶碗蒸、麵豉湯,性價比唔錯~串燒即叫即燒,調味恰當.刺身三文魚厚身新鮮.鐵板宮崎柚子胡椒香蔥牛舌心由鐵板上熱辣辣,牛舌爽彈,旁邊洋蔥等配料炒得香口.而且Asahi Draught Beer 更全日買一送一$39杯!非常不錯!

臨近父親節好難book 位！今日約左老豆黎吃日本野。 黑門水產裝修好日系，老豆好中意！ 前菜叫左和風鮭魚果漬沙律，有大量鮭魚魚籽同埋鮭魚肉，隻汁係柚子醋鼓油味，好惹味！ 海膽蟹味噌甲羅燒，依個真係又好睇又好食。侍應會幫手撈埋放上烤架，一邊慢慢燒下邊吹下水撈下，聞到香味就可以食了，配埋餅乾吃正呀。 豚骨湯牛肉蕎麥麵，大量牛肉仲有唔少櫻花蝦，配合起黎好鮮味，值得一試。 北海道海鮮味噌豆乳鍋，本身個鍋已經有唔少配菜，最估唔到係佢啲海鮮非常新鮮，帶子好鮮甜，生蠔非常爽滑，加埋佢個湯底係豆乳，成件事就更加鮮甜解膩。 整體好滿意，而且價錢合理，甘樣食都係200蚊一個個人，會再黎幫趁的。

喺尖沙咀都估唔到有呢間黑門水產 性價比高之選招牌甲羅燒 蟹籽鵪鶉蛋蟹膏味道超濃郁😍喺你面前慢慢煮到熟 蟹膏嘅香味撲面而來😆鰻魚玉子燒玉子燒香甜 入邊嘅雞蛋仲有少少嫩滑配埋鰻魚汁同埋鰻魚紫菜 口感豐富 味道有層次和風三文魚果漬沙律佢哋嘅刺身三文魚都係咁鮮甜 而且相當厚身另外佢個果漬沙律汁 超酸超開胃🤤黑門彩虹丼吞拿魚蓉 厚切吞拿魚 吞拿魚蓉夠鮮味 厚切吞拿魚就更加新鮮有口感另外配上是拎嘅海膽 蟹膏 都係超級重海鮮味加上佢個飯係赤米 一啖飯一啖海鮮 成個口腔嘅層次相當豐富呢個價錢食到 呢幾樣高質嘅日式料理性價比都好高

好開心可以來到這間日本餐廳, 餐廳裝修非常有特色，充滿日本風味。食物方面，一定要試一試他們的招牌菜， 就是海膽蟹味噌甲羅燒。做法好特別，是用鮮味的蟹殼, 盛著海膽， 鵪鶉蛋，野菜， 蘿蔔。在等侯期間，店員用心地燒，看著火焰慢慢燒的過程，己經是一個享受，這燒的一刻也吸引很多人打卡。味道方面非常好，海膽完全沒有腥味(很多人說在香港吃海膽好有腥味)，食客可用梳打餅去沾一些汁， 味道非常之夾，不太漏亦不太鹹，鵪鶉蛋很新鮮, 配以野菜及蘿蔔，使人一試難忘。另外要介紹的菜式是鮮炸生蠔，內脆外軟， 製作過程很認真。有時一些炸物，處理得不好，則只是吃到一推麵粉。但這道菜完全不同，能呈現蠔的鮮甜， 口感十足，值得推介。不能不提的是花魚一夜干，不要以為燒這些魚很容易， 火喉太大或太細都會影響味道，這裡的魚燒得適中，味道鮮美， 超孚我想像， 而且份量十足，非常抵食除了食材外，這間餐廳的佈置很認真，牆上的擺設如燈籠，特式氣球及貝殼等，使人有如置身日本漁村的感覺，一坐下便使人心曠神怡。我知道最近他們新推了一系列的 定食 套餐 經濟實惠他們用的材料非常新鮮到尖沙咀吃飯的朋友不妨考慮一下。

食物質素好，環境好有feel！店員好有禮貌，服務細心。叫咗隻甲羅燒，特登俾你影完相先攞去燒（鍾意相機食先嘅見到我好開心）大推生蠔！！勁大隻好鮮，同柚子好夾，食落勁fresh！鵝肝外脆內軟，入口即溶ε-(´∀｀; )食完唔夠喉叫多咗舊嚟食。食物大致都高汁，唯一失望咗嘅係壽喜燒。諗住食兜熱嘢暖下胃，點知個湯冇咩味，仲要偏苦╭(╯3╰)╮食完個口勁寡～環境舒服，好啱同frd聚會吹水。個場嘅燈光同佈置都好有feel，係令人期待嘢食嘅環境。