心之食堂 (Under Renovation)

辛苦OT完衝衝衝總算搞掂份proposal俾老闆，一於對自己好D食好D慰藉下肚皮同心靈。記得大廚朋友最近係銅鑼灣百樂新開左間日式fusion居酒屋 - 心之食堂，新開張期間仲有8折，見咁抵就去捧場先。餐面都幾闊落，揀左壽司吧枱坐，可以望到師傅用心準備食材之餘仲能夠吹下水。剛新開張，師傅準備左神秘menu，一次過試左好幾款刺身壽司：同坊間食既刺身壽司好唔同，因為每款用左唔同食材配搭，口感豐富且有“估唔到“既感覺，啱曬你都鐘意試新野既性格。除左sushi，食堂都有提供熱食。小食類：蘆筍海老牛肉卷 ~即叫即整，蘆筍好嫩好甜，同牛肉，海老係perfect match我至愛系列： 芝士海苔玉子燒~由於夾有紫菜，師傅好細心準備刀叉切開玉子燒。一切開內面d芝士湧出黎小食類：海膽雞肉炸豆腐~海膽mix埋雞肉炸成豆腐，一口一件剛剛好，味道相對較淡。壓軸出場：邪惡包（帶子鵝肝包）！兩種高級食材大大粒厚身帶子同鵝肝配合海苔，呢個堅正啊！至潮飲品：藍蝶花白桃乳酸味道不錯，影相呃like 一流~menu上面仲有好多款式未試，留待下次約班friend食好西~近廚得食，銅鑼灣又多一個encore選擇！