Video
Read full review
2020-11-22
1056 views
之前見到有訂座感謝祭優惠，見到有$20和牛，加上未食過呢間鐵板燒，就book黎試吓。 我book咗lunch 去食，一入到去見到，有啲似我喺日本食鐵板燒嗰陣咁樣，依家因為疫情去唔到日本，黎呢間都可以一解思鄉之情。我地叫咗2個lunch set,1個係大蝦+銀鱈魚，1個係熊本豬扒，另加1份鵝肝，再加訂咗既$20和牛就啱啱好。 首先黎既係沙律。佢唔係淨係得沙律菜，仲有其他平時少見既荷蘭豆，加埋有柚子醋，都幾開胃。 跟住黎既係茶碗蒸，佢係蒸蛋上面再加個野菜既汁，都幾夾，蒸蛋蒸得啱啱好，夠滑。 師傅知我地share 黎食，佢幫我將所有野分開做2份，首先黎既係大蝦+銀鱈魚，呢個係1人分量，大蝦雖然無平時其他鐵燒啲虎蝦大隻，但係都算新鮮，蝦頭都有膏，師傅將蝦尾壓扁到變咗脆餅，全隻蝦都可以食，正，銀鱈魚超級鮮甜，佢用麵豉醬去做調味，加上師傅控制火候恰當 ，令佢更加好味。 再黎既係鵝肝，呢個都好食，鵝肝無筋，加上個醬汁酸酸甜甜，解咗鵝肝膩既感覺。 反而之後個豬就差少少，食落去多筋，再加上比較難咬，我地都覺得一般。 最後既係牛，呀媽唔食牛，所以全部都係我既，和牛食落去，唔係完全入口即溶，但係都唔點咬就食
我地叫咗2個lunch set,1個係大蝦+銀鱈魚，1個係熊本豬扒，另加1份鵝肝，再加訂咗既$20和牛就啱啱好。
首先黎既係沙律。佢唔係淨係得沙律菜，仲有其他平時少見既荷蘭豆，加埋有柚子醋，都幾開胃。
跟住黎既係茶碗蒸，佢係蒸蛋上面再加個野菜既汁，都幾夾，蒸蛋蒸得啱啱好，夠滑。
師傅知我地share 黎食，佢幫我將所有野分開做2份，首先黎既係大蝦+銀鱈魚，呢個係1人分量，大蝦雖然無平時其他鐵燒啲虎蝦大隻，但係都算新鮮，蝦頭都有膏，師傅將蝦尾壓扁到變咗脆餅，全隻蝦都可以食，正，銀鱈魚超級鮮甜，佢用麵豉醬去做調味，加上師傅控制火候恰當 ，令佢更加好味。
再黎既係鵝肝，呢個都好食，鵝肝無筋，加上個醬汁酸酸甜甜，解咗鵝肝膩既感覺。
反而之後個豬就差少少，食落去多筋，再加上比較難咬，我地都覺得一般。
最後既係牛，呀媽唔食牛，所以全部都係我既，和牛食落去，唔係完全入口即溶，但係都唔點咬就食到，油脂感十足，呢6件其實好夠，雖然唔係A4/5級數，都算係咁啦。
之後仲有炒野菜，我呢碟用番之前和牛切咗既脂肪，攞黎炒菜真係好邪惡，師傅好細心，知呀媽唔食牛，我同媽媽2份野菜都係分開炒，1份有牛脂，1份無。
跟住上埋個炒飯，係蒜蓉炒飯，但係我食唔出有蒜蓉，係鹹菜味多啲，不過佢既即整既米餅好好食，配飯一流，呢到既炒飯比較濕，呀媽話應該唔係用隔夜飯，雖然唔係乾身，但係嗰種軟諗既飯都唔錯，加埋芝麻，味道唔會比一般鐵板燒差。
最後上埋甜品同野飲，食得超級滿足。
呢間餐廳服務唔錯，會有侍應不時幫你加茶，整體黎講都係一個滿意既用餐體驗，下次可以再黎！
Post
