金記冰室 (Closed)

今日下就唔洗返工，去接老婆收工，順便係佢公司附近間金記食埋晚飯，其實我自己本身好鍾意d懷舊冰室，野食又好食，價錢又合理。我地2個都點左是日晚餐煎蓮藕餅飯，有三塊厚厚的蓮藕餅，呢個蓮藕餅好好食，它用左蓮藕粒同豬肉搓成餅狀之後，再煎到金黃香口，入面的蓮藕粒更增加左爽口的咬感，送飯一流，附有菜芯，有菜有肉好健康。跟餐有仲有中湯/西湯送，我選擇左中湯，老婆就鍾意西湯，中湯係老火湯，湯料十足，煲到好清甜，簡單又好味的一餐。