Video
Read full review
2018-02-22
92 views
人人都go green，唔通人人都想go green咩？正是！之前聽朋友講過悠蔬食呢間素食店，今日終於嚟到親身一試！打開個menu，見到個set dinner有成五道菜加一個飲品，唔駛諗即要一個！先嚟三款前菜，有四喜烤麩（煮得好香甜入味）、紅菜頭蘋果合桃沙律（酸酸哋勁醒胃）同麻醬沙薑豆絲粉皮（仲惹味過雞絲粉皮）跟住嚟燉湯，秘魯人參竹笙黃耳百合，聽個牌頭都知佢夠哂滋味/陰/補啦，飲完成個人暖笠笠！跟住呢個手卷都驚喜爆燈！見佢紫菜包住一大堆alfalfa以為佢會淡淡的，但原來夾埋蘆筍，素香鬆同少少醬汁，食落去香甜得嚟又清新美味。侍應仲好貼心咁提醒要儘快食，咁先可以品嚐到脆脆嘅紫菜！食最後一啖嗰吓，真係有encore多一個嘅衝動！主菜係士多啤梨醬燒猴頭菇配珍珠糙米飯，哦？原來即係「咕嚕肉」！立即加分！士多啤梨醬汁甜酸度啱啱好，愈食愈開胃。個猴頭菇整得外脆內軟，食得出佢係新鮮即製！好味！喺呢個時候其實已經食到捧住個肚，但係見到（加上聞到）個鮮磨腰果露，又忍唔住立即食番啖！腰果味好濃，滑得嚟又唔會太甜。加咗兩粒香到不得了嘅芝麻湯圓，嗱嗱嗱，呢啲就叫做畫龍點精喇！邊個話食好西一定要大魚大肉架？今時
打開個menu，見到個set dinner有成五道菜加一個飲品，唔駛諗即要一個！
先嚟三款前菜，有四喜烤麩（煮得好香甜入味）、紅菜頭蘋果合桃沙律（酸酸哋勁醒胃）同麻醬沙薑豆絲粉皮（仲惹味過雞絲粉皮）
前菜三款
17 views
0 likes
0 comments
跟住嚟燉湯，秘魯人參竹笙黃耳百合，聽個牌頭都知佢夠哂滋味/陰/補啦，飲完成個人暖笠笠！
秘魯人參竹笙黃耳百合燉湯
16 views
0 likes
0 comments
跟住呢個手卷都驚喜爆燈！見佢紫菜包住一大堆alfalfa以為佢會淡淡的，但原來夾埋蘆筍，素香鬆同少少醬汁，食落去香甜得嚟又清新美味。侍應仲好貼心咁提醒要儘快食，咁先可以品嚐到脆脆嘅紫菜！食最後一啖嗰吓，真係有encore多一個嘅衝動！
手卷
11 views
0 likes
0 comments
主菜係士多啤梨醬燒猴頭菇配珍珠糙米飯，哦？原來即係「咕嚕肉」！立即加分！士多啤梨醬汁甜酸度啱啱好，愈食愈開胃。個猴頭菇整得外脆內軟，食得出佢係新鮮即製！好味！
士多啤梨醬燒猴頭菇
18 views
0 likes
0 comments
喺呢個時候其實已經食到捧住個肚，但係見到（加上聞到）個鮮磨腰果露，又忍唔住立即食番啖！腰果味好濃，滑得嚟又唔會太甜。加咗兩粒香到不得了嘅芝麻湯圓，嗱嗱嗱，呢啲就叫做畫龍點精喇！
鮮磨腰果露配芝麻湯圓
8 views
0 likes
0 comments
邊個話食好西一定要大魚大肉架？今時今日，Go Green先係王道啊！
Post
