378
29
7
Exit F1, Causeway Bay MTR Station continue reading
All Branches (2)
Telephone
35656393
Opening Hours
Today
11:30 - 16:30
18:00 - 22:30
Mon - Sun
11:30 - 16:30
18:00 - 22:30
Payment Methods
Visa Master AlipayHK Alipay Cash
Number of Seats
66
Other Info
Online Reservation
Wi-Fi
Alcoholic Drinks
May Bring Your Own Wine Details
Cake-cutting
Phone Reservation
Reward Dining Points
Delivery
10% Service Charge
Spot payment
Vegetarian
About Reward Scheme
Review (465)
Level4 2019-09-15
27 views
與銀行界美女吃晚飯,預祝她生日, 美女一向講求健康,所以我議建素食。以前曾在悠 蔬食吃過午餐和晚飯,很喜歡這裏的新派素食。食材精心配搭、又多元化,而且烹調方式低健康!前菜 - 涼拌日本黑豆伴亞塔子黑木耳、紅火龍果拼藜麥,伴無花果黑醋、泰式香茅金柚鮮果沙律 ~這三併前菜名字很長,但看得出選料組合上的心思,是健康和美味的平衡!中間有亞塔子,是棕櫚樹的種子,像大粒透明的啫喱糖,十分彈牙,本身没有味,但浸了黑醋,酸酸的,味道清新又開胃! 配粉腍的黑豆、爽口的青瓜和黑木耳、微甜的杞子,口感豐富!清甜的紅火龍果,伴無花果黑醋,甜酸味與果香很配合,加上藜麥,添點嚼勁!金柚配花生和車厘,加了香茅,有泰式風味! 手卷 (任選一)蘆筍素香鬆苜蓿芽手卷(另追加 一件$28 ) ~第一口嚐,苜宿芽味有少許青澀,不過可以接受。苜蓿芽是高纖低熱量且營養豐富的天然鹼性食物,一般都是生吃的。而且配了海苔,味道尚可,但再吃下去,混合了露筍和素香鬆,卻十分美味!湯品 (任選一)菠菜桃膠忌廉濃湯 ~桃膠天然的樹脂,是近年盛行的食材,骨膠原豐富,養顏潤肺。 常見於甜品之中,以桃膠煮湯卻少見。菠菜和忌廉打得十分香濃幼滑,桃膠柔韌,超美味的濃湯!百合子豆乳皇帝苗 (散點) $108~皇帝菜苗,與百合、子、黑木耳一起,以豆乳上湯煮,很美味又吃得舒服!主食 (任選一) 青咖喱野菜猴頭菇 配印度薄餅 及珍珠 糙米飯(小辣) $258~猴頭菇不多,但樣子像肉塊,還有芋頭,都很入味! 這青咖哩汁非常美味,沒有一般咖哩汁的濃稠, 口感幼滑 ,香味較清新,少少辣! 配酥香的印度薄餅吃,很滋味!甜品 (任選一) , 一件 + $25~草莓乳酪千層班戟 班戟軟滑,有草莓香,清新低甜,十分美味!加配飲品 (任選一)藍蝶花雪梨汁(凍) , + 20 ~紫藍色十分吸引,加了雪梨汁味道清新像少甜的清茶。很大杯,初飲以為沒有加糖 ,喝至尾聲才知甜漿在底部,想少甜的可以攪拌少一點,若較甜一點,可以攪至完全均匀。細心看每樣食材都是用心挑選的,高纖低、低熱量、低脂、低甜,抗氧化 和營養豐富。美味又健康!而且環境很舒適! continue reading
(The above review is the personal opinion of a user which does not represent OpenRice's point of view.)
Level4 2019-09-13
741 views
享用健康素食,我多數會去銅鑼灣這間新派Fusion素菜餐廳「悠蔬食」, 因為喜歡這個地方坐得舒適,粉藍色的裝潢再加上美妙優雅的音樂,感覺真是讓人輕鬆,同時這裡可以吃到少油少糖的素食,又沒有蒜、蔥等,健康素食都對身體有益。今晚與友人二人來到食素,我們都是同樣都是各點一份晚餐,另外再加多一份side order 輕食「蜜汁脆鱔」$98,原來是以菇菌偽裝的,仿真是十分相似,脆爽甜蜜,又有芝麻香,好吃到停不到口!!我們選擇的飲品都是熱飲,友人選擇了杯韓風蘆薈柚子蜜(另加$15),而我杯是檸檬蜂蜜薑茶(另加$15),兩杯的飲品味道都是好清香,我個人喜歡飲薑茶,近來天氣都是忽冷忽熱,飲杯薑茶可以抗初期感冒及喉嚨不適,甜酸美味,又可以增加身體的抵抗力。前菜先來三碗冷盤小食,分別有涼拌日本黑豆亞塔子黑木耳、紅火龍果藜麥沙律伴無花果黑醋 及泰式香茅金柚鮮果沙律 ,整體三款沙律味道都是微酸開胃,都非常新鮮。餐湯可以有中、 西湯選擇,我們都是選擇菠菜桃膠忌廉濃湯,湯稠濃郁幼滑,菠菜清新可口,明顯有粒粒桃膠,份量都很足,桃膠都好軟滑Q彈,桃膠是天然的樹液,有清血降脂、緩解壓力和抗皺嫩膚的功效,一款健康美容湯水,吸引我們這些女士飲用,也是女士們的恩物。接下來有兩件日式手卷,我選擇兩件都是香芒牛油果苜蓿芽手卷,作為開胃前菜也是不錯,酸甜富有芒果香,再加上清香苜蓿芽及軟滑的牛油果,真是非常清新又香甜,店員都好細心奉上濕紙巾及會提醒客人趁紫菜未淋之前享用。主食先來青咖哩野菜猴頭菇配印度薄餅及珍珠糙米飯$258,青咖喱味道不會好辣,有濃郁九層塔的香草味道,內餡有香芋、猴頭菇、椰菜花、豆角、彩椒等......整體蔬菜都好夠腍身入味,把印度薄餅蘸上香滑的咖喱,軟硬適中又晤太油膩,酥香美味,也可以吃些軟熟的珍珠糙米飯,配咖哩最好吃的選擇。剛烤好的白松露蘆筍茄子紫薯焗千層闊麵$248端上來時已經香噴噴,舀起的千層麵已有拉芝士的效果,富有豐富甜甜酸香的蕃茄汁,整體蔬菜都好爽脆,當中有清新爽脆蘆筍、軟腍的茄子、紫薯等.....蔬菜份量都好足,千層麵都烤得香口夠乾身,鋪滿滿的芝士焗得香口,讓人吃得滋味無窮。女士總是留個肚食個甜品,我選擇了一件草莓乳酪千層班戟 (另加$25),而友人較喜歡吃朱古力,所以選擇了一件法栗星辰(另加$20),前者草莓乳酪千層班戟都做到層次分明,每層班戟皮都夾雜質感香滑草莓忌廉,草莓味好濃郁,有點美中不足是欠了一些鮮果或汁醬的裝飾。而法栗星辰是銅鑼灣限定甜品,用上一隻colorful的黑色碟子盛裝,蛋糕旁邊有乾碎及爆炸糖,賣相精美,一切開有海棉蛋糕、栗子朱古力慕絲及原粒的栗子,味道又不會太甜膩,朱古力的質素都不錯,朱古力味都好香純,再來一口爆炸糖伴食,舌上仿如有爆炸感覺,真是好有趣。餐廳都會定時轉下餐牌,食物同樣有水準,吃得又健康,服務員招呼週到,又會收下碟、斟下水,值得推介!! continue reading
(The above review is the personal opinion of a user which does not represent OpenRice's point of view.)
#悠蔬食 (銅鑼灣)銅鑼灣渣甸街50號渣甸中心25樓-----日日大魚大肉咁食 真係唔係辦法😂所以今次約朋友食飯 就一改平時飲食風格 試下No肉 No海鮮 食下素 清下腸胃😆-#台式脆腸天貝猴菇炆淮山栗子煲配珍珠糙米飯($248):無錯呢個飯個名真係水蛇春咁長 材料大部分都係菇類 連台式脆腸都係以菇製成 調味有少少似台式三杯雞 汁底足夠濃稠 但唔會太鹹 幾好食 另外呢個價錢仲有包左三款前菜 一款手卷 同一份甜品 前菜分別有涼拌日本黑豆黑塔子黑木耳 紅火龍果藜麥沙律伴無花果黑醋 同泰式香茅金柚鮮果沙律 三種前菜都各有千秋 全部都係行酸酸甜甜路線 食完之後感覺好開胃 可以有更大胃口食更多野😄三款當中 個人最愛紅火龍果藜麥沙律伴無花果黑醋 中意佢紅肉火龍果揀選得靚 非常甜而且黑醋唔會太酸 味道調得好自然 令人食得好舒服 所以額外叫多碟三人份量嘅黎食 手卷方面就揀左香芒牛油果手卷 入口幼滑 配搭清新 最後甜品係抹茶馬蹄糕 口感爽脆 馬蹄份量多 帶埋濃濃抹茶味 解膩得黎又唔會太甜 唔錯-#百合杞子豆乳浸溫室皇帝苗($108) 碗面滿佈百合 超足料 杞子令溫室皇帝苗味道更顯鮮甜 整體養生得黎 味道唔會太寡 😊-#酥脆腐皮卷4件($58)雖然熱氣 但熱愛腐皮嘅B仔都係忍唔住叫左😛腐皮卷炸到正如佢個名咁 超級酥脆 點埋泰式辣醬食 感覺極似素版脆香雞翼-#鮮磨腰果露配湯圓($48)湯丸一共有四粒 係芝麻湯圓黎 細細粒 外皮煙韌 如果無認錯 應該係B仔中意嘅小寧波牌~腰果露則幼滑得驚人 入口一D渣都無 非常順候 甜度極低 腰果味重 非常出色😊-----👶🏻B仔整體評價:7.9/10個👍🏻👶🏻B仔抵食程度:7.5/10個👍🏻👶🏻B仔環境評分:7.5//10個👍🏻👶🏻B仔味道評分:8.5/10個👍🏻👶🏻B仔回頭機會:8/10個👍🏻-----#swallowhongkong☺️快D跟住B仔一齊吞食香港啦!🤤#swallowcwb continue reading
(The above review is the personal opinion of a user which does not represent OpenRice's point of view.)
餐廳:悠蔬食 (銅鑼灣)地址:銅鑼灣渣甸街50號渣甸中心25樓悠蔬食位於銅鑼灣渣甸中心,餐廳英文名叫Leisurely Veggie,故名思義就係悠閒咁食素食要知道素食因為含有大量纖維,容易產生飽肚嘅感覺,唔單止可以控制食量,仲幫助保持適中體重同減少患上腸癌、便秘等機會,素食食物較少脂肪,患上心臟病、中風、癌症嘅機會都會降低;另一方面,亦可以提倡環保同減少對動物嘅傷害,係環境同道德角度都有一定嘅好處之前已經同朋友黎過食dinner,果陣見到tea set餐牌幾吸引,今次終於有機會黎到食個靚tea喇,除左有8個tea set比你揀,仲有唔少散叫嘅飲品同甜品,仲要全部都係素食嘅,不過蛋奶都唔食嘅你就要留意返邊啲食物標記左係蛋同奶做架喇焗牛油果栗米多士($58)係我今餐最覺得最滿足嘅食物,即叫即整嘅多士拎上手仲係好辣手,濃厚嘅芝士覆蓋住栗米粒同新鮮牛油果,鋪係香脆嘅多士上面,咬落去鬆脆之餘芝士亦有拉絲效果,相當過癮,而叫呢個多士仲配上蘆筍素香鬆苜宿芽手卷,清新又唔會好dry,內裡仲有些少沙律醬,原來素手卷都可以好好味焗蘋果酥皮盒($58)同焗蓮茸西米布甸($42)係我地叫嘅甜品,蘋果酥皮盒絕對係食過返尋味,甜甜嘅奶油淋係酥炸香脆嘅酥皮盒上,一切開就見到大量醃製左,鮮甜嘅蘋果粒係中間,呢個一定要試。蓮茸西米布甸充滿蓮茸同蛋香,面頭鋪上酸甜適中嘅士多啤梨,再加上糖霜,賣相非常好睇時不時食下素食都係一個唔錯嘅體驗,對自己身體、環境都有益處,不妨考慮開始下green Monday呀 continue reading
(The above review is the personal opinion of a user which does not represent OpenRice's point of view.)
Level4 2019-07-10
405 views
今晚又係時候食下素比個胃休息一下。上完堂8點上到黎,啲四人枱已經全部滿座。好在我今晚一個人,所以唔洗等位就可以入座。呢度有dinner set,價錢係$248-258。我就揀左個$248既set,加$25要埋個甜品。<前菜拼盤>先黎個前菜,有成三款咁多,可以食到唔同既野。中間係紅火龍果藜麥沙律配無花果黑醋,黑醋結身偏甜,生菜爽口。左邊係四喜烤麩,四喜包括烤麩、毛豆、雲耳同冬菇。味道比較鹹,係唯一熱前菜。右邊係羅馬番茄配胡麻醬,已經剝皮,超貼心。<香芒牛油果苜蓿芽手卷>唔洗驚食完手卷食唔落其他野,因為入面係無飯既。雙層紫菜包住既係一大札苜蓿芽,用左牛油果、芒果同少少蛋奶同素肉鬆調味。最貼心既係有一包濕紙巾提供,抹手後可以放膽用手食呢個手卷啊。<太子參黃耳馬蹄花菇燉湯>熱辣辣用燉盅上既湯,淨係個名已經聽得出好足料啦,個名無提到既仲有大大粒猴頭菇。個湯飲落結身,感覺到有好多膠質,味道係非常自然既菇味。<黑皮雞樅菌鮮豆包白松露薯蓉焗千層闊麵>等左15分鐘就上主菜,呢個焗千層麵真係勁多料,連個菜名都有差唔多二十個字。菜名無既食材仲包括牛油果、甜椒、黑椒!面頭既菇就係黑皮雞縱菌,第一次聽,但原來係素食界係好出名架,有健脾胃既功效,口感爽口。至於鮮豆包就係一大塊,口感有啲似腐竹,但又無咁有油感。每層麵之間用左薯蓉,上面仲有拉絲芝士,用蕃茄醬調味,成個焗麵真係超美味!<鮮果脆脆芭菲> (+$25)賣相好落心思,上面個cream做到玫瑰形狀。入面更加內有乾坤,分別有Oreo、士多啤梨、朱古力碎,下面係哈密瓜、木瓜,仲有蘭香籽,味道非常豐富,而且落左咁多生果,甜味自然啲,健康啲。食完呢個set真係夠曬飽,而且感覺好似又為世界減碳出左一份力。雖然價錢唔平啊,但係呢度真係整得非常高水準啊,位置又係旺區,下次帶埋朋友上黎食先! continue reading
(The above review is the personal opinion of a user which does not represent OpenRice's point of view.)