Video
Read full review
2018-05-29
84 views
同朋友補食生日飯，主要都想坐得舒服同可以影下相，咁岩呢日喺銅鑼灣呢頭返工，就揀左呢間食物賣相幾特色既韓式cafe。去到門口見到有兩三台人等梗，好彩預先有訂位，唔洗點等就入得。店面空間唔算好大，枱都好細，基本上勉勉強強先擺到兩碟野食，裝修設計一般，頓時有啲失望因為無食晏大家都餓啦，我地一共嗌左三個主食：- 墨汁海鮮西班牙腸燴飯 $138- 韓燒牛粒蘑菇薄餅 $118- 韓式炸雞(兩種口味:甜辣+芝士) $148- 紫薯拿鐵 $48- 奧利奧芝士奶蓋 $48餐牌選擇算多，但價錢偏貴，而且份量細，不過始終係銅鑼灣地段無辦法，羊毛出在羊身上墨汁海鮮西班牙腸燴飯傳說中打卡必嗌既一舊雲，賣相係靚既。但味道不敢恭維，外面既"雲"係蛋白同糖打成，食落口感綿綿，味道微甜，同裡面既燴飯完全唔夾！而且飯係微溫，好似預先整左好耐咁。飯量少之餘無咩味，剩係周不時食到好似臘味味道既"西班牙腸"韓燒牛粒蘑菇薄餅說好的牛粒黎到變成牛片，份量少，薄餅係餅乾底，無飽足感；勝在落左唔少芝士，焗得都幾香口，整體中規中矩既一道菜。韓式炸雞(甜辣+芝士)以韓式炸雞黎講價錢同份量不成正比。芝士味係喺普通炸雞上淋上微溶既芝士，食落味
去到門口見到有兩三台人等梗，好彩預先有訂位，唔洗點等就入得。
店面空間唔算好大，枱都好細，基本上勉勉強強先擺到兩碟野食，裝修設計一般，頓時有啲失望
因為無食晏大家都餓啦，我地一共嗌左三個主食：
- 墨汁海鮮西班牙腸燴飯 $138
- 韓燒牛粒蘑菇薄餅 $118
- 韓式炸雞(兩種口味:甜辣+芝士) $148
- 紫薯拿鐵 $48
- 奧利奧芝士奶蓋 $48
餐牌選擇算多，但價錢偏貴，而且份量細，不過始終係銅鑼灣地段無辦法，羊毛出在羊身上
墨汁海鮮西班牙腸燴飯
$138
7 views
1 likes
0 comments
傳說中打卡必嗌既一舊雲，賣相係靚既。
但味道不敢恭維，外面既"雲"係蛋白同糖打成，食落口感綿綿，味道微甜，同裡面既燴飯完全唔夾！
而且飯係微溫，好似預先整左好耐咁。飯量少之餘無咩味，剩係周不時食到好似臘味味道既"西班牙腸"
韓燒牛粒蘑菇薄餅
$118
6 views
1 likes
0 comments
說好的牛粒黎到變成牛片，份量少，薄餅係餅乾底，無飽足感；
勝在落左唔少芝士，焗得都幾香口，整體中規中矩既一道菜。
韓式炸雞
$148
13 views
1 likes
0 comments
以韓式炸雞黎講價錢同份量不成正比。
芝士味係喺普通炸雞上淋上微溶既芝士，食落味道好突出，又唔算太漏。
炸雞外皮炸得香脆，肉質厚嫩，唔會成舊都係肥膏，唔錯。
反而甜辣剩係食到甜酸醬味，食唔出有辣味，呢款無咩特別，可以唔試。
奧利奧芝士奶蓋
$48
2 views
0 likes
0 comments
飲品類反而唔錯，雖然味道偏甜，
但奶蓋好厚好creamy，飲到濃濃芝味，面頭仲有塊oreo可以咬下。
朋友點既係紫薯拿鐵，話紫薯味好濃唔假，味道唔錯。
整體黎講食物質素對唔上價錢，作為一間影相打卡既cafe裝修都唔夠gimmick，試過呢次唔會再黎
Post
