Read full review
2022-12-16
893 views
📖 十幾年前, “帝皇” 帶一班大學同學去 “重慶大廈” 食 “7E咖喱王”, 大開眼界, 自此鍾意咗印度咖哩. 轉眼十年, 前前後後食咗冇一百次都有 “半百” 次. 🥰 話說公司新同事識飲識食, 印度菜都玩到米芝蓮 New Punjab Club, 早前俾面出席 “7E咖喱王” 江湖飯局, 時隔數日, 竟然重返重慶大廈, 試埋三樓嘅 “新德里”, 問我有冇食過, 有咩意見?🤗 “新德里” 同埋 “咖哩王” 齊名於 “重慶大廈”, 奇怪地, 我只係食過 “新德里” 一次, 我都想搵番個答案. 相隔十年, 今晚再戰.🥢 餐廳設多張方枱, 裝修有點心思, 包括印度畫, 印度掛牆燈等, 整體燈光偏暗偏籃, 影相麻麻. 今晚點咗印度餐廳必食嘅 Chicken Masala, Chicken Vindaloo 同埋 Mango Lassi.🥨 餐前小食: Papad. 幾好喎, 比 “咖喱王” 優勝.🍹 芒果乳酪, Mango Lassi. “渴撻撻”, 芒果味道濃郁, 出色.🐥 瑪莎拉燴雞, Chicken Masala. 熱辣辣, 雞肉嫩滑, 份量Ok. 但係咖喱汁少咗蕃茄味薑味, 略欠層次
🥰 話說公司新同事識飲識食, 印度菜都玩到米芝蓮 New Punjab Club, 早前俾面出席 “7E咖喱王” 江湖飯局, 時隔數日, 竟然重返重慶大廈, 試埋三樓嘅 “新德里”, 問我有冇食過, 有咩意見?
🤗 “新德里” 同埋 “咖哩王” 齊名於 “重慶大廈”, 奇怪地, 我只係食過 “新德里” 一次, 我都想搵番個答案. 相隔十年, 今晚再戰.
🥢 餐廳設多張方枱, 裝修有點心思, 包括印度畫, 印度掛牆燈等, 整體燈光偏暗偏籃, 影相麻麻. 今晚點咗印度餐廳必食嘅 Chicken Masala, Chicken Vindaloo 同埋 Mango Lassi.
🥨 餐前小食: Papad. 幾好喎, 比 “咖喱王” 優勝.
🍹 芒果乳酪, Mango Lassi. “渴撻撻”, 芒果味道濃郁, 出色.
🐥 瑪莎拉燴雞, Chicken Masala. 熱辣辣, 雞肉嫩滑, 份量Ok. 但係咖喱汁少咗蕃茄味薑味, 略欠層次, 有點失望. 餐牌上仲有 Chicken Tikka Masala, 寫明 Thick Fresh Tomato Curry, 下次要試.
🌶 燴巴辣雞, Chicken Vindaloo. 我係食咗兩啖 Chicken Masala, 感覺對路, 先至追加 Vindaloo. 結果, 兩個字: “鹹. 辣”. 味道相對簡單, 我食唔到期望嘅複習性.
🤗 總結: 今日一戰 “新德里”, 較量起點一定係食咗十幾年嘅 ”7E咖喱王”. Mango Lassi 真係唔錯, 可惜主角 Chicken Masala 欠缺層次, 頗為失望, Vindaloo 味道又係偏單調. 我似乎冇點到 “新德里” 出名既菜式, 下次有機會試埋 Chicken Tikka Masala.😱 世界是殘酷的, 有比較, 有傷害. 我原本冇打算出食評, 既然有讀者想睇, 我就唔客氣了.
Post
