珍一料理 (榮高樓) (Closed)

今日超級興奮，去咗旺角行街買衫，買到自己好鍾意嘅嘢同埋買咗好多聖誕嘅裝飾品🎄🌺難得去到旺角，就梗係要周圍食吓好嘢啦！誤打誤撞之下，去咗呢一間珍一料理😎俾佢呢間餐廳嘅顏色吸引咗，覺得好靚，行到入去嘅時候望得到成間餐廳好乾淨！而且所有款式都擺晒出嚟可以自己揀，真係望到都已經流晒口水🤣🤣今次我就叫咗呢個麻辣嘅牛柏葉！估唔到掃街都可以食得到呢個麻辣嘅牛柏葉！本身我自己好鍾意食川菜嘅味道，因為川菜嘅辣同一般嘅立美好唔同，會有一種好快嘅辣味留喺口腔，而且呢個辣味亦都會持續得比其他嘅辣持久！加埋呢個牛柏葉嘅份量好多，食得非常過癮👍🏻👍🏻同埋超級爽口彈牙，加埋呢個牛柏葉可以掂到好多醬汁，所以非常入味！