Video
Read full review
2015-11-15
800 views
頗有質素，值得去食嘅放題是一一行四人去食放題，淨係講呢個月食放題都食咗好幾次啦！所以呢對放題嘅要求越來越高。今次黎到嘅位於瓊華嘅至尊滿屋放題，特色係佢哋特登響日本請來咗個日本廚師做總廚，監控食物品質，而且呢價錢亦都公道，所以六點鐘已經好多人排隊！每一台都會附送一個精選嘅刺身，可以揀海膽呀牡丹蝦等等，我哋嗰台就叫左牡丹蝦，超級大隻爽口鮮甜。上菜速度都係好快難即刻叫咗個刺身船，唔洗十分鐘已經到咗，刺身選擇好多，帶子，三文魚，吞拿魚，油甘，鮑魚片，甜蝦，希靈魚等等一應俱全。尤其係三文魚同埋帶子特別新鮮，二零且佢哋嘅甜蝦都大隻！我哋仲叫咗佢嘅沙律，沙律選擇同樣都好多就特別推薦係佢哋一個招牌蘆薈沙律，蘆薈加上蔬菜食落去口感清新，仲有胡麻豆腐都好正架！豆腐香滑，胡麻香濃。推薦推薦！至於佢哋嘅炸物天婦羅都做得好出色，尤其係天婦羅炸粉唔會太多，上枱亦都唔會感覺油膩。仲有我超級鍾意嘅芝士年糕，芝麻雞翼同埋紫心丸等。全包上枱嘅時候都熱辣辣，新鮮即叫即做！其他嘅燒麥我就覺得佢哋嘅燒鰻魚同埋牛脷都好好食，尤其係燒鰻魚，大大件食落去超有口感！燒物嘅火候控制得好好亦都有一啲比較少見嘅食物，例如燒銀杏等等！佢哋嘅飲
是一一行四人去食放題，淨係講呢個月食放題都食咗好幾次啦！所以呢對放題嘅要求越來越高。
今次黎到嘅位於瓊華嘅至尊滿屋放題，特色係佢哋特登響日本請來咗個日本廚師做總廚，監控食物品質，而且呢價錢亦都公道，所以六點鐘已經好多人排隊！
每一台都會附送一個精選嘅刺身，可以揀海膽呀牡丹蝦等等，我哋嗰台就叫左牡丹蝦，超級大隻爽口鮮甜。
上菜速度都係好快難即刻叫咗個刺身船，唔洗十分鐘已經到咗，刺身選擇好多，帶子，三文魚，吞拿魚，油甘，鮑魚片，甜蝦，希靈魚等等一應俱全。尤其係三文魚同埋帶子特別新鮮，二零且佢哋嘅甜蝦都大隻！
我哋仲叫咗佢嘅沙律，沙律選擇同樣都好多就特別推薦係佢哋一個招牌蘆薈沙律，蘆薈加上蔬菜食落去口感清新，仲有胡麻豆腐都好正架！豆腐香滑，胡麻香濃。推薦推薦！
至於佢哋嘅炸物天婦羅都做得好出色，尤其係天婦羅炸粉唔會太多，上枱亦都唔會感覺油膩。
仲有我超級鍾意嘅芝士年糕，芝麻雞翼同埋紫心丸等。全包上枱嘅時候都熱辣辣，新鮮即叫即做！
其他嘅燒麥我就覺得佢哋嘅燒鰻魚同埋牛脷都好好食，尤其係燒鰻魚，大大件食落去超有口感！
燒物嘅火候控制得好好亦都有一啲比較少見嘅食物，例如燒銀杏等等！
佢哋嘅飲品亦都選擇超多，橙汁，乳酪，忌廉溝鮮奶，汽水，烏龍茶等等一應俱全。亦都有啤酒！另外值得一提嘅就係呢一度嘅綠茶十分之香，食到飽飽飲番杯熱嘅綠茶零清清腸胃都好正架！
除咗唔同嘅時甜品之外, 每人都會送一杯movenpick 嘅雪糕.! 味道選擇都有三種雲呢拿朱古力同士多啤梨，個人特別鍾情士多啤梨因為酸酸甜甜而且內含果肉，好滑好輕身！
呢度嘅座位舒適，冷氣充足而且侍應嘅服務態度亦都好好！最重要係佢嘅選擇真係比較多，價錢亦都合理！當日嗰位日本廚師仲特登出嚟同下啲客人交流吓，意見睇吓大家覺得有啲乜嘢做得好或者有啲咩需要改善！佢哋呢一種努力求變嘅心態，希望繼續呢個心態令客人繼續喜歡泥呢度食嘢啦！
Post
