Ember (Closed)

好少可一間偏向酒吧既餐廳都能造出品質極高既食物，甚至好比唔少fine dining餐廳，未試過既真系要試一試，反正價錢適中，絕對抵食又好食。香烤腸拼盤 (188) - 一共有五款唔同既德國肉腸，包括芝士豬肉腸、雞肉腸、辣肉腸、沙樂美腸等等，好有德國腸既風味，美味可口，充滿肉汁，連少食肉腸既朋友都在讚嘆，真心唔錯。仲拼有一大堆連皮粗薯條，薯味較重，亦都好飽肚。烤雞黑毛豬辣肉腸薄餅 (158) - 用料非常大堆頭，有烤雞胸肉、黑毛豬辣肉腸、 白菌、Mozzarella Cheese、黑水欖、紅蔥，以及蕃茄醬，芝士份量足，半溶拉絲夠曬香口，餅底都夠薄脆，而且好有肉感，share食一流。烤美國安格斯特級肉眼扒拼粗薯條及燒汁 (308/12oz) - 12oz大大塊，燒至medium (半熟)，肉間中帶有適量脂肪，夠曬香口，呢個級別既肉眼肉味都夠濃，半熟有少少血更加鮮香，都真系幾好食。Tap Sonic (128) - Gin酒做base都一款cocktail，仲有苿莉糖水同埋一條homemade既花花冰柱，一邊飲住含花香既Gin雞尾酒，一邊睇住條彩色冰柱慢慢融化，都幾好feel。