滿樂中菜 (Closed)

朋友介紹，去了尖沙咀戲曲中心滿樂中菜食晚飯。招牌杏汁燉白肺湯一位$88，$288四位，如果四個人更抵食，另胡椒豬肚湯一位$68，兩款都好飲，但個人就比較喜歡杏汁，因為好香杏仁味。聽說肺是很難清潔的，去信譽好的餐廳食就比較好。蜜汁叉燒$98，雖然只叫細份，但都幾多，叉燒算廋口感很好，口感似半肥瘦但不油膩。金沙炸魚皮涼瓜$98，新鮮炸出，非常脆及可口，炸魚皮不會太鹹，第一次食金莎炸涼瓜，原來很好吃，涼瓜的汁依然保留着，一口咬下去感覺沒有那麼熱氣。主菜是半隻招牌片皮鴨$380，服務員會在附近切鴨，食客可以看到全個過程。首先上鴨胸，服務員細心提示只點醬食，皮脆但不油膩，燒得很好食。最後再上片皮鴨其他的部份，薄餅皮會放蒸籠入邊熱着，所以不會變冷或變硬，即包即食，熱食果然更好食。招牌金瓜炒米粉$148，香味未食都聞到，份量很多，有蝦仁、蝦米、南瓜、冬菇、椰菜、肉絲等，非常足料。桃膠杞子桂花糕$38，沒想過桃膠可以做桂花糕，味道清新少甜，淡淡桂花的香味，又有桃膠的口感。