Video
Read full review
2021-12-06
28 views
講起新加坡菜大家都會諗到海南雞飯同喇沙，但其實新加坡仲有好多地道風味家常菜。依間樓上小店採用自助形式，平日嘅晚上嚟到都差不多滿座。餐廳宗旨係將新加坡嘅味道帶嚟香港，餐紙介紹atas係sophisticated嘅意思，而shiok亦代表美味，見到都有啲期望呢～店員推介我地試肉脞麵－我覺得肉脞麵有啲似港式嘅撈麵撈粗，一樣可以揀麵底(Mee Pok粗麵 / Mee Kia幼麵)，另外有碗湯，但佢嘅配料就多好多，有肉碎、豬膶、滷冬菇、白魚蛋、炸雲吞，仲有酥脆嘅豬油渣同油葱酥，望落食落一樣咁豐富。辣椒板麵我都係第一次食，板麵嘅麵條就闊身有咬口啲，本身似撈咗蠔油、黑醬油，靠參巴辣椒醬提味，撈匀即刻好惹味；配料都係有肉碎冬菇，特別在加咗溫泉蛋同炸江魚仔，口感就冇咁寡。一場嚟到試吓杯特飲，玫瑰露恐龍落咗玫瑰糖漿呈搶眼嘅粉紅色，味道偏甜帶花香，反而食番面頭嘅美祿可可粉就比較自然；薑汁奶茶加煉奶，天氣凍飲完真係有暖笠笠嘅感覺。
依間樓上小店採用自助形式，平日嘅晚上嚟到都差不多滿座。餐廳宗旨係將新加坡嘅味道帶嚟香港，餐紙介紹atas係sophisticated嘅意思，而shiok亦代表美味，見到都有啲期望呢～
店員推介我地試肉脞麵－我覺得肉脞麵有啲似港式嘅撈麵撈粗，一樣可以揀麵底(Mee Pok粗麵 / Mee Kia幼麵)，另外有碗湯，但佢嘅配料就多好多，有肉碎、豬膶、滷冬菇、白魚蛋、炸雲吞，仲有酥脆嘅豬油渣同油葱酥，望落食落一樣咁豐富。
辣椒板麵我都係第一次食，板麵嘅麵條就闊身有咬口啲，本身似撈咗蠔油、黑醬油，靠參巴辣椒醬提味，撈匀即刻好惹味；配料都係有肉碎冬菇，特別在加咗溫泉蛋同炸江魚仔，口感就冇咁寡。
一場嚟到試吓杯特飲，玫瑰露恐龍落咗玫瑰糖漿呈搶眼嘅粉紅色，味道偏甜帶花香，反而食番面頭嘅美祿可可粉就比較自然；薑汁奶茶加煉奶，天氣凍飲完真係有暖笠笠嘅感覺。
Post
