Video
4-min walk from Exit F1, Causeway Bay MTR Station
continue reading
Telephone
92687393
Introduction
This Singaporean restaurant mainly serves noodles items, and some popular traditional dishes. The design features white colour, wood and green plants pattern to bring out a warm and cozy vibe.
continue reading
Opening Hours
Today
12:00 - 22:00
Mon - Sun
12:00 - 22:00
*Last Order: 21:15
Above information is for reference only. Please check details with the restaurant.
About Reward Scheme
喺銅鑼灣轉角，裝修走簡約南洋風，白牆襯木系桌椅，仲有幾盆假椰樹🌴（係，我摸過，真係膠嘅），瞬間有種「偽旅行」感覺——去唔到新加坡，食餐好嘅補數啦！ 🍖 榴槤咖啡骨：暗黑料理定驚喜？ 一上枱，榴槤味撲鼻到隔籬枱個姐姐擰轉頭望。咬落去——咦？咖啡嘅苦香居然同榴槤嘅濃郁打和咗，排骨肉仲嫩到「骨肉分離」！朋友仲笑：「呢味應該改名叫『東南亞分手料理』，食完唔係愛就係恨！」🍝 辣椒蟹忌廉意粉：軟殼蟹嘅華麗逆襲闊條麵掛滿橙紅色醬汁，忌廉中和咗辣椒蟹嘅霸道，辣度似「新加坡阿嬤嘅溫柔」。重點係嗰隻軟殼蟹，炸到酥脆仲帶蟹膏，食到「吱吱聲」嘅程度。唯一投訴：蟹肉絲呢？俾多兩條唔該！ 🐟 叁芭魔鬼魚：懶人恩物 成塊魚冇骨！叁芭醬甜辣適中，仲有洋蔥絲提香，啖啖肉食到朋友突然文青上身：「原來魔鬼魚先係海洋界豆腐⋯⋯」（醒醒，你食緊魚啊） 🍹 飲品雙姝：美祿爆炸 vs 玫瑰露恐龍「美祿爆炸」係童年回憶加強版——朱古力粉多到似火山爆發🌋，飲完成個嘴似偷食阿華田；「玫瑰露恐龍」就係少女心陷阱，粉紅色+美祿粉，甜到愛情小説結局咁。温馨提示：糖尿病人士請自備胰島素。 後記埋單$630，同飛新加坡比梗係平啦（機票錢慳返！）。環境舒服到傾偈傾到忘形，仲要冇人催交枱。唯一遺憾：冇試到傳說中「空殼辣椒蟹」⋯⋯睇嚟要encore驗證下係咪真係伏！
continue reading
係銅鑼灣發現左間好chill既樓上星馬fusion菜！☀️入面有超大玻璃 採光同空間十足好似去到田園既感覺咁休閒🪴叫既每道菜都超好味😋羅惹Rojak係一道好地道既前菜！用左蘋果菠蘿加左啲脆卜卜既豆卜同油炸鬼🍏🍍撈埋自製既羅惹醬、花生芝麻碎甜甜地好開胃！食完想再食肉骨茶足料！有排骨有蘿蔔🐖湯底清甜好香胡椒味好岩落左幾日雨濕立立既天氣食！排骨都煲得好腍好入味送飯真係一流！加埋仲有油炸鬼做配菜脆卜卜浸落肉骨茶既湯都出奇地襯！鹹蛋排骨🥚🥚上菜個陣已經見到超多超香每一舊排骨都俾鹹蛋包圍住每一啖都食到鹹蛋既鹹香排骨肉質鬆軟加上外面炸到脆卜卜口感好豐富鹹蛋亦都調味得岩岩好食到鹹香味之餘都唔會太鹹食完都唔會膩玫瑰青檸水🌹加左玫瑰露既青檸水🍋少少酸味加上淡淡玫瑰味好適合襯呢餐濃味既野食清新到成個口腔 飲完可以繼續食！美祿爆炸🍫食新加坡野一定要飲美祿美祿真係多到爆炸！超香濃美祿味 但甜味適中仲有落左好多美祿波波係我飲過甜度最岩我既美祿！大家黎到銅鑼灣可以黎呢間試下呀💕
continue reading
🇸🇬榴槤控必吃𝕝貓山王榴槤咖央多士在銅鑼灣的新加坡菜 Fusion餐廳最近新出貓山王榴蓮爆醬喜歡吃榴槤的朋友一定要試😋餐廳座位頗多亦寬敞有個角落有大玻璃望出去有電車巴士的街道, 視野廣闊還可拍到歷史悠久的大押招牌𖧷 貓山王榴蓮爆醬表面搽滿榴槤蓉及開心果粒足足有3層牛油及咖央醬榴槤味好濃郁, 多士焗到好脆𖧷辣椒蟹忌廉醬義大利蛋麵闊條麵好掛汁, 老虎蝦頗大隻忌廉醬中和了辣椒蟹的辣度𖧷 奶油麥片軟殼蝦外觀金黃酥脆口感上酥脆與鮮嫩交織奶香與焦香融合, 味道均衡𖧷 美祿爆炸童年回憶加強版朱古力粉多到似火山爆發𖧷 班蘭奶茶這杯好特別出面餐廳好少有
continue reading
呢間上樓嘅新加坡fusion餐廳，簡約淺色系裝修風格，配大玻璃窗，採光度充足，地方闊落舒適。店員親切好客，又有禮貌。斑斕薏米水淡淡嘅斑斕香，微甜，薏米有咬口，清新解暑，夏天飲夠曬fresh。美祿爆炸如果想試重口味嘅特飲，可以選擇美祿爆炸，比美祿恐龍更高層次；上面有大量美祿粉，美祿可可球同曲奇，十分邪惡，啫甜嘅朋友應該會好鍾意。甜辣鷄軟骨自家製甜辣醬汁甜多過辣，上面撒咗芝麻，雞軟骨香口有嚼勁。不過食呢個小食要與時間競賽（趁熱食），因為凍左之後醬汁同雞軟骨們就會結成一團，難捨難離好難分開。😂老虎蝦喇沙喇沙材料十足，有大大隻開邊虎蝦、雞蛋、豆卜同埋好彈牙嘅魚蛋。麵底揀咗米粉加油麵兩溝，即「摻摻」。湯底唔算好辣，如果椰奶味再重啲，會更香濃，整體味道都滿意。肉骨茶肉骨茶藥材味唔算重，有蒜頭同胡椒嘅辛辣；排骨有好多件，份量足！加左白蘿蔔，令肉骨茶辛辣得黎帶清甜。油炸鬼凍左都好脆口，好味！😋
continue reading
🇸🇬ATAS主打精緻新加坡菜，地點又方便，菜式選擇多元，啱晒想試新鮮口味又鍾意影相嘅人！！🥰因為啲嘢食都真係幾精緻，而且啲食物都幾有水準，餐廳開業冇耐，小編已經有嚟食過，果然過咗咁耐水準都仲keep到🥰.🐷叄岜蟹肉炒飯 Sambal Crab Meat Fried Rice
炒飯粒粒分明，加入咁香叄岜醬同大大粒蟹肉，濃香微辣，唔會太油，帶有東南亞特色嘅鮮味😂😂😂😂😂 食落口感同層次都好突出，蟹肉夠新鮮🦀.🐷鹹蛋軟殼蝦 Salted Egg Soft Shell Prawns
軟殼蝦外層香脆，包住濃香鹹蛋黃醬，蝦肉鮮甜唔腥，鹹香味道非常突出，小食嚟講好討喜，鹹蛋控不能錯過😭😭😭.🐷沙嗲雞串 Chicken Satay Skewers🐔🐣
雞串燒到啱啱好，肉質嫩滑，沙嗲醬濃郁帶花生香，入口啖啖肉香🥰.🐷斑蘭薏米水 Pandan Barley💧
味道清甜帶淡淡斑蘭香，同時有薏米嘅口感，飲落清熱解渴💧💧.🐷咖啡祿 Kopo-Lo☕️
賣相精緻，層次分明，咖啡香濃滑順，入口有啲似馬來西亞Kopi冰凍版，帶淡淡椰香😂 啱晒消暑之餘又易入口🥰.ATAS
📍銅鑼灣邊寧頓街9-11號登龍閣地下C2號舖
.
#吃貨日常 #香港 #Cafe #Fusion #東南亞菜 #甜品 #飲品 #銅鑼灣 #銅鑼灣美食 #hkfoodie #foodiehk #銅鑼灣好去處 #銅鑼灣美食
continue reading