Thai Deer Factory (The Wave)

Open Now

Now Closed

之前已經bookmark 咗好耐呢一間位於觀塘 The Wave嘅「Thai Deer Factory 」。主打露營風泰國菜。裝修非常到卡able。食物都有好多特別嘅傳統泰國菜同fusion菜任君選擇。煙燻盒子西班牙黑毛豬鞍·班蘭香茅燒汁：非常打卡又gimmick。將西班牙黑毛豬鞍放入木盒入邊，加上煙燻氣體。店員會喺客人面前打開木盒蓋，而煙燻氣體會跟住冒出，非常仙氣飄飄。一定要錄video。除咗個樣味道都唔錯。豬鞍係用香茅調味醃咗先、而且肉質非常軟霖。味道足夠但唔會過鹹。班蘭香茅燒汁增加肉嘅香味。泰北咖喱雞撈金麵：用咗特製泰北咖喱汁撈左啲金麵，而且每條金麵都沾上醬汁。麵係用全蛋麵、另外有少少係炸嘅，所以有兩種口感。咖喱汁偏辣、另外仲有啲辣醬。可以自己選擇溝唔溝埋啲辣醬。雞腿都好軟腍，不過略嫌唔係好夠味。芒果糯米飯配椰汁雪糕：糯米飯新鮮熱辣、搭配甜甜地嘅椰汁、不錯。椰汁雪糕香濃又唔會太甜。藍蝶花荔枝梳打：荔枝味偏淡，不過唔會太甜，都幾解渴。