楚撚記大排檔 (日富里百好大廈) (Closed)

同男朋友想食好耐，有日5點幾去到問，睇下搏唔搏到walk in，店員話8點30先有位，可以留定位，即刻唔洗諗，留名！見到有新菜式餐牌，試咗個香辣椰菜花炒咸肉煲。一上枱勁香，隔離枱都即刻望過黎！好香口，好食！仲有小小花椒麻味，濃味人極愛！一定唔小得招牌嘅椒鹽嘢，今次叫咗九肚魚外脆內軟，入口即溶，正！仲叫咗拔絲咕嚕肉，夾埋啲糖絲食，會更加脆口男朋友仲嗌咗個豬油撈飯，佢話好香！唔怕肥真係想食多碗咁話！係可惜嗰晚最招牌嘅菜乾豬肺湯賣哂，之前試過外賣已經念念不忘，下次一定要再試！