心夜來潮 (Moved) New Location

難得同朋友去旺角食飯, 但唔知食咩好,朋友建議食潮州菜,即時上OPENRICE睇下有咩潮州菜介紹,睇到這間 - 心夜來潮,我地一行4人就即刻去試試啦。到達後，店面不大，等左十分鐘左右就有位，我地坐在外面，雖然外面比較熱，不過就有種大排檔既風格。我地問店員有咩好介紹，佢就介紹左幾款比較出名又多人叫的潮州菜，最後我地4個都叫左幾個店員特別推介既。第一個係菜茶，比較清淡，有點似菜湯，有幾款菜、蝦米、臘腸、花生，再加一層炒米，店員講這是潮州的好出名的地道小食!第二個係原隻醬醃膏蟹，這款海鮮之前在韓式餐廳試過，潮州款式的還是第一次食，原隻蟹好多肉，食唔出咩味，不過好好味，下次一定會再試。第三個係招牌牛雜鍋，平時都有食牛雜，不過潮州的牛雜，用左好多秘制醬汁，所以特別有種香味，好濃郁，正!最後叫左個潮汕砂鍋粥，有唔同配料任君選擇，可能用砂鍋煮的關係，別有一番滋味，不過這個製作需時，下次要早點叫定就最好。