105
9
11
4-min walk from Exit C3, Mong Kok MTR Station continue reading
Telephone
9578 5454
6737 8676
Introduction
Although there are not many choices in this Chaozhou restaurant, almost are seldom heard and trial. continue reading
Payment Methods
Cash
Number of Seats
40
Other Info
Wi-Fi
Alcoholic Drinks
May Bring Your Own Wine
Delivery
10% Service Charge
Outdoor Seating
Review (128)
Level4 2016-06-25
4173 views
在鬧市外圍,位置不是太好,如不是刻意來這,實在不會行經這裡。又因店內地方太細,所以部份坐位安排在店外,但如天氣不好,就會比較麻煩。潮汕砂鍋粥(中蟹一隻)~ 用砂鍋煮出來的咸香粥,海鮮味道分外香甜;蟹肉新鮮嫩滑,但可惜蟹肉不是和粥一起熬製而成,令粥底完全沒有蟹味,有點點失望。醬醃螄蚶 ~ 因怕身體受不了,只輕食了一隻,想不到完全沒有腥味,而且非常新鮮。脆香手打魚蛋 ~ 大大粒魚蛋切片,口感彈牙,但無魚味。手工捻面猴 ~ 配料有肉碎,乾魷魚,蝦米,冬菇等等。一定要快食的麵條,感覺有點似刀削麵,但聽說是用手把麵團一片片捻下去而成,所以厚薄不一,口感新奇又煙韌。第一碗大家因忙著影相,所以最後麵條因放太久而淋了,大家決定叫多碗即食試清楚,原來即食真的是最好的。小米餃 ~ 配料有新鮮豬肉和大地魚乾粉加上特裝醬汁做成,一口一粒,煙煙韌韌,回味無窮。菜脯煎蛋 ~ 味道偏淡,煎得又唔夠香,普普通通。豬油渣炒菜心 ~ 菜心爽脆新鮮,但豬油渣唔夠香脆。坐在街邊,好有在台灣大排檔的感覺,和三五好友一起聊天吃飯,實在一樂也。*趣事一提,朋友影了幾張相片後打卡,店主竟然會有回應,實在始料不及。 continue reading
(The above review is the personal opinion of a user which does not represent OpenRice's point of view.)
Level2 2016-06-11
1764 views
五個人晚餐食食左$57x,話抵唔抵,皆因食物質素55波,五個都一致話唔再來,見到告示話會搬近3500尺地方,相信有佢成功之道,不過都想分享下今次經歷,希望新店改善啦蠔仔腥,鍾意食應該覺得ok,不過真係好咸,腎功能大大減低粒丸比正常爽實,但無乜特色無味滷水雞亦,餐牌圖不符,圖得2隻,上菜原來幾隻,味道就係無味,無肉,啜骨啜極都無味Xo醬炒腸粉。。。無語,食粉團一樣,醬還醬,粉還粉。。。。唔好叫,好伏食餃子食到入面有骨。。😑 感覺非常唔好。。。菜甫旦。。菜甫還菜甫,旦還旦,旦仲要無旦味雖然好多唔好,但都有以下係ok的牙簽雞幾香口脆,但encore果碟完全唔同。。。呢個蟹粥都幾入味,幾乎每台都有,但碎殻偏多,要好小心食,魷魚無乜味食到最後,,,見到好大隻小強周圍街,不過店員都好即時問候情況,但衛生環境真唔太好,食完一大堆待洗的碗碟存放位置相隔2尺就已經係坐位。。(非我坐位置),我平時都有食開大排檔,但呢次經歷唔太舒服整體都唔會再來,因為食完5人中有3人都唔舒服,其中一個嘔,一個肚屙希望新店會做好d,唔好浪費129個好評 continue reading
(The above review is the personal opinion of a user which does not represent OpenRice's point of view.)
Level4 2016-05-31
2021 views
各位朋友喜歡夏天汗流浹背的感覺嗎?我大抵係很怕熱的人,但天生又怕被束縛,所以多怕熱也無損坐戶外吃飯的情意^0^,這夜多得{幾條冷食番餐}成員也不懼炎熱,到心夜來潮享受自由奔放的一夜!!上一趟跟車爸爸來吃過一次後便對它念念不忘,難得今次{幾條冷食番餐}都有興趣到訪,一於掃餐牌啦喂! 今次我帶了兩枝{梅酒威士忌}味道酸酸甜的,很受女仕們歡迎喔!!而好友的紅酒亦醇香好喝呢!! 飲勝!!希望大家能keep住月月相聚,開心食番餐Yeah~ {醬醃獅蚶}$36,處理得雪白的獅蚶,味道一貫的鮮甜可口,車爸爸晚了收工才到想再叫時已售罄喇!喜歡吃的朋友要早啲Order喔!! 沒有獅蚶退而求其次叫{醬醃生蟹}$88,細細隻的三點蟹膏可不少呢!不過味道挺鹹,建議送粥或白飯同吃較合適~{巨型脆香手打魚蛋}$32,上檯時巳切了片,外皮已炸至香脆,內裡質感較煙韌,味道頗香而且沒有腥味,點上店方自家制的香口辣椒油送酒很匹配啊~{菜脯煎蛋}$38,蛋香不俗係略嫌煎得未夠焦香,內裡藏有不少的香蔥及鹹香菜脯咬口十足!!{豬油炒菜芯}$38這味有點退步,豬油渣不夠酥香,食味隨之下滑!! {小米餃}$20,這個小巧的小米餃外表煙韌軟糯又不黏牙,內餡係帶著香濃的大地魚味肉球,再次品嚐亦給到我驚喜呢,點少許豆瓣醬同吃真的十分惹味,好吃得我們要Encore多一客呢^0^ {汕頭手打肉丸}$30可選放湯或香煎,這個肉丸真的沒給我什麼印象,依稀記得質地係煙煙韌韌的,唔通我"貓"咗haha~ {手工捻面猴}$30(小)這次再試沒有第一次食那麼好味,面猴有點過淋,大地魚味亦輕手了,整體不夠濃香呢!! {手打牛肉丸}$32我沒吃不評喇,不過看樣子好像不錯呢^0^{潮汕砂鍋粥}$150(小),自選粥料最少要$150,我哋選了中蟹已經夠額了,咪以為小的很細鍋呀,我哋合5人之力才能將之KO呢,所以人少咪叫呀!! 粥底比起潮州白粥米粒較少和較綿,味道很鮮甜,係隻"中蟹"比我哋想像中細隻了點囉!!但隻蟹確係好新鮮嘅~ 早兩日在心夜來潮的FB收到這鋪做埋6月便要遷往附近的樓上鋪繼續經營,又少了一個自由奔放的食店了,*正苦*這又是你們班蠢材幹的*好事*啊!! continue reading
(The above review is the personal opinion of a user which does not represent OpenRice's point of view.)
Level3 2016-05-23
989 views
喺櫻桃街踢完波,難得老婆大人話黎同我食宵夜,聽講附近有間食砂鍋粥,當然黎食返碗"夜粥"啦 !!因為踢完波無乜胃口, 同埋唔想白白浪費左啱啱努力燃燒脂肪嘅原因,我倆決定清清地.其實有好多海解揀:膏蟹,海蝦,鮑魚.....但係我地叫左蟶子,乾瑤柱,雞件粥底很綿滑,蟶子嘅鮮味反而比乾瑤柱還要突出, 雞件經過粥水快滾當然滑滑!啱晒我剛剛出完一身汗, 口乾乾嘅胃口.煲粥2個人當宵食其實都足夠, 但係老婆見到依度有菜茶食,好想試下.我當然好識做咁叫左碗俾佢啦! 菜茶其實係汕尾嘅節日食物,汕尾人一有喜慶節日就會整菜茶黎宴請客人.依度嘅菜茶都好足料:有多種蔬菜,臘腸,蝦米,魷魚乾,炒米,花生加上熱辣辣嘅湯茶.味道比較淡, 可以食到唔同食材嘅原味, 但係啖湯茶就綜合晒以上食材嘅味道,頗特別!ps.因為有炒米,所以要快手D食,就好似粟米片咁,加左奶就要極速盡快食,唔係就淋晒唔好食!夜粥你有冇食過? 我有,我真係有 !!! continue reading
(The above review is the personal opinion of a user which does not represent OpenRice's point of view.)
這夜表親一家心血來潮約食飯,與幾位好朋友來到這間心夜來潮,一看就很覺得不簡單的店名,聽聞他是食潮州菜,最靚的是潮汕砂鍋粥,最不能不吃的是生醃海鮮,那怕腸胃有幾弱雞,幾大就幾大,試左先講!呢樹潮汕砂鍋粥分小鍋($150起)和大鍋($280起),幾個人一人揀一樣,膏蟹、肉片、響螺片、魚片、雞件,加埋$290岩岩好!雖然唔算好大煲,勝在用砂煲上風味十足,而且材料使用十足,看那蟹蓋上的蟹膏呈鮮橙紅色,加上其他雞、魚等材料肴製出來的砂鍋粥,半條魚骨都冇,冇得輸吧..?說到食潮州菜,怎不能試試生醃醬海鮮?!雖說一聽到”生醃”的海鮮都驚驚,卻難以抗拒這種生醃誘惑,膽粗粗的點了這兩味醬醃螄蚶和原隻醬醃膏蟹($108)。螄蚶本來就非港人熱愛的海鮮,卻擁有著無比的鮮味,其橙色的螄蚶肉加上極其Juicy的深橙紅色肉汁,以黃酒、辣椒、蒜粒和芫茜生醃,看其擦到白雪雪的螄蚶殼,簡直鮮味到食唔停口!這味原隻醬醃膏蟹淨係上碟賣相已經夠晒吸引,一啖啜落蟹肉度,雖然有點咸咸的,但生蟹的新鮮滋味傾瀉而出,口感很像吃醃咸了的日本新鮮帶子,不過唔敢多食,小食多滋味!要訴說潮汕必食的小食推屆,必選這兩款巨型脆香手打魚蛋和家常牙籤雞。利用新鮮的魚肉打成漿切片再炸香,醺點小小泰式酸辣醬酸酸辣辣更過癮,而這味牙籤雞卻被取笑了半晚,鮮嫩的雞肉炸得脆香惹味,配搭泰式酸辣醬都是冇得輸。說到這晚的重點推屆,就是這個醬醃海膽($28)小碟。真的別看她小小碟,味道卻帶極咸鮮味,單嚐或許會過咸,但舔小小也絕對抗拒不了那鮮到無得頂的海膽味道,而重點是以這味極咸鮮的醬醃海膽配上這個潮汕砂鍋粥,哇,簡直齒頰留海膽潮州粥香,回味無窮!驟眼看以上款款菜式都重口味,卻又不得不介紹店舖有名的擂茶,一碗帶有炸小米、芝麻、花生米及小量鹽泡沖在碗裏的降脂解膩茶,此茶嚐下去輕帶咸咸味道,有點像玄米茶的味道,卻能充份解除食潮州茶於嘴巴中揮之不去的重口味味道,一試即爽,來這間心夜來潮不得不試! continue reading
(The above review is the personal opinion of a user which does not represent OpenRice's point of view.)