Video
Read full review
2023-06-23
380 views
《丁丁烤魚 - 大埔》呢間烤魚其實好耐好耐以前喺旺角果邊食過，估唔到而家開到黎大埔添啦，新店主要做任食放題，今次我就帶左我Daddy 去試試呢間烤魚咩水準。講到抵食，呢間餐廳真係實至名歸，而家做緊15周年紀念優惠，最平$248就可以任食雞煲同埋餐前小食仲有飲品雪糕任拎食完雞煲仲可以叫店員幫你換湯打邊爐，如果想食埋烤魚的話，只要加多$48 就可以啦，超級抵食！由於Daddy 鐘意食海鮮，所以我就要左另一個丁丁整品任食套餐，每位$298， 多左刺身拼盤同埋打邊爐用既海鮮拼盤，如果預計要黎呢間餐廳食飯，睇怕Lunch 都要食少D 先可以試得曬咁多野呀💁🏻♀️餐前小食六款由於剛剛入座既時候勁肚餓，我就每個小食叫左一D 黎試下，點知份量勁多，仲擺盤擺得好靚下，小食分別有拍青瓜、麻辣魚皮、鹽酥雞、炸饅頭、小酥肉同埋麻辣雞軟骨，樣樣都係送酒必須備既野，所以最後我都有叫啤酒同我Daddy 啤啤佢，講番食物，我個人最喜歡佢個炸饅頭同麻辣魚皮，炸饅頭細細粒一啖一粒咁，點滿甜甜既煉奶真係好好味呢，個麻辣魚皮就係口感爽脆好惹味，好少見放題會有得食，我知人覺得佢D小食其實都可以拎出去賣，買番屋企做送酒小菜都幾唔
呢間烤魚其實好耐好耐以前喺旺角果邊食過，估唔到而家開到黎大埔添啦，新店主要做任食放題，今次我就帶左我Daddy 去試試呢間烤魚咩水準。講到抵食，呢間餐廳真係實至名歸，而家做緊15周年紀念優惠，最平$248就可以任食雞煲同埋餐前小食仲有飲品雪糕任拎
食完雞煲仲可以叫店員幫你換湯打邊爐，如果想食埋烤魚的話，只要加多$48 就可以啦，超級抵食！由於Daddy 鐘意食海鮮，所以我就要左另一個丁丁整品任食套餐，每位$298， 多左刺身拼盤同埋打邊爐用既海鮮拼盤
，如果預計要黎呢間餐廳食飯，睇怕Lunch 都要食少D 先可以試得曬咁多野呀💁🏻♀️餐前小食六款
由於剛剛入座既時候勁肚餓，我就每個小食叫左一D 黎試下，點知份量勁多，仲擺盤擺得好靚下，小食分別有拍青瓜、麻辣魚皮、鹽酥雞、炸饅頭、小酥肉同埋麻辣雞軟骨，樣樣都係送酒必須備既野，所以最後我都有叫啤酒同我Daddy 啤啤佢，講番食物，我個人最喜歡佢個炸饅頭同麻辣魚皮，炸饅頭細細粒一啖一粒咁，點滿甜甜既煉奶真係好好味呢，個麻辣魚皮就係口感爽脆好惹味，好少見放題會有得食，我知人覺得佢D小食其實都可以拎出去賣，買番屋企做送酒小菜都幾唔錯呢💁🏻♀️香辣味烤魚
湯底方面我地簡左香辣少辣，食落唔會太熗喉帶點微辣，兩人份既烤魚其實都算幾大條，魚肉都幾嫩滑同埋唔多小骨，可以大大啖咁食D 魚肉好爽，個鍋入面已經有金菇、蓮藕等食材，記住第一Round 唔好食咁飽，因為之後仲會有雞煲呢，不過如果覺得呢個湯好味，可以再叫火鍋配料打邊爐嫁💁🏻♀️蒜香味雞煲
烤魚食左辣，咁雞煲就要唔辣先啦。店員話如果食得到的話可以食完呢一鍋後再轉另一個口味，TBH 食完個前菜同烤魚其實都7成飽啦，估計今次只食到一Round 雞煲Only。蒜香味唔辣，啱曬食唔到辣既朋友點而又不失惹味，D蒜子煮到淋曬後好入味好好食，估計呢個雞煲有半隻雞喺度，食完可以再叫店員加雞肉嫁，D雞肉入味而且唔乾身，個人都幾OK 呢個口味，有D 似啫啫雞煲💁🏻♀️花膠雞湯 (打邊爐)
食完個雞，店員又過黎俾我地揀打邊爐既湯底，由於食到尾段啦，我地都飽飽咁滯，所以要左個清少少既花膠雞湯，個湯用黎打邊爐其實有點浪費左呢，因為佢個湯係廚師每日開店前熬製的，真係可以當老火湯飲嫁，落埋我地個套餐既海鮮拼盤落去煮多陣，個湯就會再多左海鮮既鮮甜味，又講下個海鮮拼盤有D 咩先，有鮑魚、沙白、蝦、帶子、蠔等既海鮮，其實淨食佢地都足夠啦，不過打得邊爐，我地當然有試埋佢既牛肉啦，見其他食客個個都叫M5和牛，我地都叫左少少試下，仲有每人一條巨長既蟹柳添💁🏻♀️支裝啤酒$48/3支 (15周年紀念優惠)
啤酒方面，我地見有優惠債，3支Hoogarden都係$48，仲有Somersby 、Asahi 等啤酒可以選擇，其實算係抵飲。不過唔知個優惠做到幾時啦，詳情要留意番餐廳既優惠推廣安排整體黎講，呢個價錢食到咁多野真係十分十分之化算。食物種類多而且有兩個鐘俾你慢慢試慢慢食，如果唔食烤魚淨係雞煲的話其實可以留肚食曬D雞之後慢慢打邊爐，諗番起都覺得好飽呀
Post
