面譜-京川料理 (Closed)

因為有東亞信用卡食$400平$100既優惠，今晚決定試下景樂集團既京川料理。 坐低就前菜，係一碗仔涼拌芽菜，唔辣既，爽口清涼。盛惠$20。 無收茶錢，因為可以一壺壺甘叫，又或者叫西式酒飲都有。 小食點左  面譜小籠包，$68五隻，水準拍得住同集團既上海料理  家傳滬曉，皮薄多肉汁但價錢好似貴過果邊。 好芥末既我，試左個係冷盤既清酒芥末鮮鴨掌。點之前都有啲顧慮，驚食鴨掌會好麻煩，要係甘損。黎到簡直喜出望外！鴨掌係去左骨，薄薄一片片非常爽口，而個芥末唔係行貨，絕對有芥末味，反而有少少蓋過左個酒味，可以再平衡下個酒同芥末份量就更加好，不過已經好好食！$82 羊肉叉子$108就令我好失望了。一啲羊肉味都無，好似食緊肉碎撈甘 麻辣香螺水晶粉皮$78，我唔係好食得辣，叫左少辣，但食落依然好辣。但辣得黎我都覺得佢好香，好好味。粉皮好爽，唯獨太少螺肉了四川擔擔面$65，有濃濃既花生醬，一般水準，沒有特別。正當我地以為呢到無甜品想轉場時，侍應生比左個甜品餐牌我地。原因係有甜品的@@ 拔絲比較少有，點了拔絲蘋果。侍應生當場用冰水同埋熱糖做出拔絲既效果，好似睇表演甘。糖既甜度同蘋果好夾，好味！$68   桂