Video
Read full review
2019-12-29
38 views
.早兩日同男友行經太子，起酒吧街見到一個唔多起眼嘅黑色牌，上面寫住隱町。雖然唔起眼，但係佢就好似有種無形嘅魔力引左我地入左去。 . 店內係滿滿嘅日本風，無論係裝修定係播嘅歌都有種令人置身日本小店嘅感覺。 . 精選廚師沙律 $58 是日精選沙律是豆腐沙律。上面有木魚絲，豆腐，火箭菜，蕃茄。好大的一碗，感覺清新。 . 汁燒雞肉蔥串 $38 雞肉嫩滑，加上濃濃嘅蔥味，帶出左雞肉嘅香味，非常夾。 . 雞心 $30 有雞嘅鮮味，但係冇肉臟嘅腥味，可見非常新鮮。 . 雞胸脆骨 $28 餸如其名非常脆，加上少少胸肉嚟增添口感，確實係一種看似對立但令人回味嘅口感。 免治雞肉棒 $38 雞肉棒點上蛋黃同秘制醬汁，雞肉配上蛋黃確實別有一番風味。 . 青葡萄豚肉卷 $28 好在有店員提醒要等一陣先食，黑毛豬卷上日本青葡萄，咬開個時有種爆汁嘅體驗，同時可以食到豬肉同青葡萄兩種味道。 . 燒汁和牛粒 $48 肉質厚實，大約燒到5成熟，咬開鮮嫩多汁。 . 日式炸雞 $58 炸得非常脆而且唔油，點上芥茉沙律醬令味道更提升。 . 燒飯團 $38 將飯團烤至微焦，外脆內軟，再搽上醬油，另有一
.
早兩日同男友行經太子，起酒吧街見到一個唔多起眼嘅黑色牌，上面寫住隱町。雖然唔起眼，但係佢就好似有種無形嘅魔力引左我地入左去。
.
店內係滿滿嘅日本風，無論係裝修定係播嘅歌都有種令人置身日本小店嘅感覺。
.
精選廚師沙律 $58
是日精選沙律是豆腐沙律。上面有木魚絲，豆腐，火箭菜，蕃茄。好大的一碗，感覺清新。
.
汁燒雞肉蔥串 $38
雞肉嫩滑，加上濃濃嘅蔥味，帶出左雞肉嘅香味，非常夾。
.
雞心 $30
有雞嘅鮮味，但係冇肉臟嘅腥味，可見非常新鮮。
.
雞胸脆骨 $28
餸如其名非常脆，加上少少胸肉嚟增添口感，確實係一種看似對立但令人回味嘅口感。
免治雞肉棒 $38
雞肉棒點上蛋黃同秘制醬汁，雞肉配上蛋黃確實別有一番風味。
.
青葡萄豚肉卷 $28
好在有店員提醒要等一陣先食，黑毛豬卷上日本青葡萄，咬開個時有種爆汁嘅體驗，同時可以食到豬肉同青葡萄兩種味道。
.
燒汁和牛粒 $48
肉質厚實，大約燒到5成熟，咬開鮮嫩多汁。
.
日式炸雞 $58
炸得非常脆而且唔油，點上芥茉沙律醬令味道更提升。
.
燒飯團 $38
將飯團烤至微焦，外脆內軟，再搽上醬油，另有一番風味。
.
.
.
.
隱町
太子花園街239號嘉慶苑地下C號舖
Post
