90
3
0
3-min walk from Exit A, Prince Edward MTR Station continue reading
Telephone
54956660
Additional Information
泰聚旁後巷入
Opening Hours
Today
18:00 - 01:00
Mon - Sun
18:00 - 01:00
Payment Methods
Visa Master Cash
Review (97)
Level4 2020-04-16
1853 views
呢間隱世串燒店好正呀 😍😍 好有日本後巷個啲特色居酒屋嘅感覺 👍🏻細細間,但食物好高質,好用心,啲店員都好friendly,好細心咁去解釋個menu呢到啲肉類全部都係進口貨黎架,啲價錢真係算好公道精選廚師沙律 📍$58每日都有機會唔同架... 今次係豆腐麻醬沙律,沙律菜夠哂爽脆 👍🏻 配埋個汁好開胃鹽燒雞肉串 📍$38呢到係日本德島縣阿波尾雞嘅指定店,所以所有雞肉都係日本黎架 😁 肉質嫩滑,口感好有彈性青葡萄豚肉卷 📍$28西班牙 36個月黑毛豬配juicy 嘅青葡萄,好清甜,食完想再食添燒汁和牛粒 📍$48澳洲黎嘅牛肉 🥩 脂肪含量比較少,食多啲都唔怕日本青椒仔 📍$28濃濃嘅青椒味,幾清新,又唔會苦又唔會辣雞頸肉 📍$38幾特別喎,煙煙韌韌煙燻宮崎腸 📍$58好明顯就係日本黎架啦! 肉味好出,好彈牙,仲有啲煙燻味炸池魚BB 📍$58時日精選 😁 搭 ✈ 返黎架,新鮮炸起, 熱辣辣,好岩用黎佐酒。個醬汁仲多咗啲wasabi 味武藏野白蘭地梅酒 📍$68weekday 都可以放縱吓嘅 🤭 呢杯梅酒甜甜地,好香好好飲Chadonnay & Sake Sparkling 📍唔知幾錢 🤭 因為店員請我地飲架 😊😊 仲用咗隻變色杯,個粉紅色櫻花樹好靚呀 (港女mode) continue reading
(The above review is the personal opinion of a user which does not represent OpenRice's point of view.)
Level4 2020-04-02
995 views
今晚同好朋友👭🏻嚟左E間隱世日式居酒屋飲兩杯🍻食下野盡訴心中情, 一入到去地方雖然唔大, 但感覺舒服, 好似身處係日本嘅居酒屋咁😊常陸野猫頭鷹啤酒🦉🍺武藏野白蘭地梅酒🥃白蘭地嘅香味加埋梅嘅甜味, E個組合非常夾而且好易入口, 甜度柔和平衡, 首先會嘗到白蘭地嘅味道, 慢慢會有梅味係唇齒迴盪, 味道唔錯!😊👍🏻精選廚師沙律🥗 今晚嘅廚師精選沙律係豆腐沙律, 豆腐嫩滑, 沙律菜夠爽脆!炸池魚BB🐟新鮮炸起嘅池魚bb熱辣辣, 酥脆可口, 佐酒一流!汁燒雞肉蔥串🐔🍢(上)雞肉肉汁旺盛, 口感嫩滑雞頸肉🐔🍢(中)肥瘦交織融合, 肉質富有彈性, 有嚼勁雞尾🐔🍢(下)小妹第一次食燒雞尾, 非常有驚喜, 雞尾香脆, 味道香濃而且不油膩, 食完仲有回甘嘅味道, 十分推介!😋👍🏻青葡萄豚肉卷🍇🐷🍢(左)用青提子同豬肉整嘅串燒都係第一次試, 青提子清甜多汁帶微酸, 加埋豚肉串燒令整體味道清新, 層次感增加而且無咁膩, 推介!味噌黑毛豚肉五花腩🐷🍢(中)五花腩片脂肪平均, 表面金黃微脆, 肉汁豐富汁燒和牛柳粒🐂🍢(右)牛柳粒牛味濃郁, 味道不過不失牛油燒粟米🌽粟米清甜多汁, 牛油味濃而不膩雞心🐔🍢(上)肉質細緻, 口感彈牙雞皮🐔🍢(下)油脂甘香, 外層焦脆, 咬落去仲有少少雞油溢出, 正!燒飯團🍙外脆內軟, 入面嘅配料都幾多, 調味唔錯!牛舌心🐂🍢牛味重, 質感爽口彈牙, 幾好味土佐豆腐熱辣辣嘅炸豆腐, 出面金黃色脆卜卜, 沾埋醬汁, 咬落去豆腐非常嫩滑, 炸嘅時間亦控制得岩岩好!總結: 食物質素幾高, 價錢唔算貴, 店員服務態度好好, 環境好有日本居酒屋嘅感覺, cp值幾高, 十分推介!!😋👍🏻👍🏻 continue reading
(The above review is the personal opinion of a user which does not represent OpenRice's point of view.)
呢晚朋友帶我去太子巷仔入面嘅一間串燒店食晚飯,佢食過話幾正。我一開始去到仲以為餐廳無開,原來係出面嗰間泰國嘢無營業姐🤣。其實都有大大個燈箱寫住「隱町」加個箭咀嘅。居酒屋好細間,一眼睇哂,廚房佔一半,另外再有Bar枱同兩三張二人枱,但裝修真係幾和風下,唔錯🏮。不過冷氣比較勁,可能要吹散啲油煙吧,始終廚房係半開放式。店員好細心😙,一坐低後就比個籃我哋放袋,仲簡單介紹下餐廳有乜食。佢話呢到嘅雞肉串燒最為出名,因為全部都採用咗德島縣阿波尾雞🐔。廚師精選沙律🥗($58),今日係豆腐沙律,份量多之餘,個組合仲幾夾,有車厘茄、木魚同豆腐,食完即刻開胃。炸池魚BB🐟($58),呢個係是日精選,店員話魚仔係經飛機運到㗎✈️,魚仔炸得好脆口呀,點埋旁邊嘅沙律(蛋白?)醬食,好正。成碟有成十幾條,唔會唔夠喉。我哋要咗三款雞肉串燒Yakitori🐓,左中右分別係雞翼($28)、鹽燒雞肉串($38)同雞心($30)。燒雞翼我鍾意食~,原來係雞全翼嚟㗎,好好肉。雞肉串就不過不失啦。至於雞心,我係第一次食,都比想像中易入口,但建議要襯熱食。跟住係雞軟骨($22)同白鱔($58),🦴呢到嘅雞軟骨有誠意喎,同平日唔同,比較大塊同脆身,店員解釋話係用咗雞胸附近位置嘅軟骨。燒白鱔好香口、無腥味,亦無咩骨、大啖肉👍。另外三款(左中右)分別係味噌黑毛豚肉五花腩($40)、青葡萄豚肉卷($28)同日式青椒仔($28)。兩款豚肉Kushiyaki都超好食😋,有少少肥肉特別香、特別Juicy。五花腩肉好入味,夠哂濃,流哂口水!日式青椒仔係用上Padron Peppers,所以連小新都啱食🙈。至於青葡萄豚肉卷就係全晚嘅MVP,皆因葡萄🍇同豚肉🐷好夾,甜甜地鹹鹹地,味道好豐富🤤。Encore之選!最後,我哋各自嗌咗一個燒飯團🍙($38),咁呢餐就夠哂啱啱好。飯團慢功出細貨,等咗陣先有得食,但亦係另一誠意之作。飯團係落咗醬油先燒,外面燒到脆脆的,裡面就好入味。總括嚟講,隱町嘅串燒好出色,考慮到食物質素嘅話,價錢其實唔算貴。🍢串燒款式多,大路同偏門嘅都有,如果可以賣埋烏冬等比較飽肚嘅食物,就無敵了。由於餐廳真係比較細間,下次食要Book定枱,係今日好好彩先Walk-in都唔使等😊。 continue reading
(The above review is the personal opinion of a user which does not represent OpenRice's point of view.)
Level4 2020-03-10
655 views
朋友話好耐無食過串燒,一於陪佢食想食既野,上網見到呢間日式串燒幾OK就決定一試。除左店名有隱字外,隱町既位置都真係幾隱蔽,係花園街轉入的一個小巷之中。廚師精選沙律 $58黑毛豬充滿甘香、油香、果仁味道,配埋沙律汁酸甜,清新又開胃。雞尾 $30雖然外層都係雞皮,但食落卻一點不油膩。雞腎 $28串燒中雞腎一向都係其中一樣較受歡迎,而呢度既雞腎同平時食開都有分別,肉厚比較彈牙。鹽燒雞肉串 $38雞肉嫩滑,明顯食到雞味,口感有彈性。汁燒和牛柳粒 $48牛肉味濃,肉質嫩滑,口感多汁唔會乾。青葡萄豚肉卷 $28好有特色既串燒,今晚最愛,豚肉包住清甜既香印提子,意外地同咸香既豚肉十分夾,好味。雞頸肉 $32雞頸肉都係比較少眾既,但用試日本雞肉,肉質更具彈性,富有嚼勁。味噌豚肉卷五花腩 $40佢嘅豬又係超級好食,五花腩肥瘦均勻,好香豬嘅油脂味。土佐豆腐 $28外層滿木魚碎的豆腐,再油炸而成的揚物。入口酥脆, 內裏豆腐仍然軟滑,值得一試。 continue reading
(The above review is the personal opinion of a user which does not represent OpenRice's point of view.)
Level4 2020-03-09
540 views
不如意嘅一日,最想就係放工飲杯酒 遠離城市煩囂,位於太子嘅隱町係花園街嘅小巷,類似係一間隱世嘅居酒屋,而日本嘅居酒屋就係我逃避現實嘅好地方,可以靜靜地食下串燒 飲飲酒同朋友呻兩句。好多酒嘅種類,岩曬酒鬼嚟打卡。汁燒雞肉蔥串雞肉燒到好香肉質又嫩又juicy加上醬汁同蔥花令佢個種肉香提升咗個level雞皮係串燒必嗌嘅嘢食皮好夠脆 咬落係啖啖油香送酒真係一流蒜香牛肉蔥卷見到牛肉片咁薄以為會好乾但咬落都幾多汁 加上爽脆嘅蒜芯無咁油膩芝麻雞翼皮脆肉嫩多汁 岩岩炸起熱辣辣一啖肉一啖酒 真係咪話唔爽青葡萄豚肉卷見到覺得好新奇所以想試下本身對佢期望唔高點知食落好驚喜豚肉比較有油脂香 食得多會有啲膩但加咗酸酸甜甜嘅青葡萄 令到豚肉嘅肉味更加濃更加多汁又解膩免治雞肉釀冬菇係每咬一啖都不停爆汁我以為免治雞肉會乾但因為有冬菇令到成舊都好香好juicy燒飯團如果係鍾意食飯焦嘅朋友一定要嗌好食到不得了每啖都外脆內濕潤 仲要用珍珠米 更加有咬口隱町依間小店做嘅嘢食定係環境都好唔錯好有居酒屋風味想放工同朋友飲兩杯傾下計 依到係一個好好嘅選擇 continue reading
(The above review is the personal opinion of a user which does not represent OpenRice's point of view.)