宏 (Moved) New Location

今日喺尖沙咀見客，見完客同朋友去the one 食餐飯，本人幾鍾意食日本野，今次試下呢間宏。餐廳主打食日式烏冬甜品，見呢間餐廳用秋田米，一於點個燒汁鱈魚烏冬加飯既set，跟餐仲包一件抹茶忌廉卷蛋同一杯草莓紅茶。個鱈魚又滑又香，入口即溶，肉質好鮮味，一d魚鯹味都冇，燒汁味道剛剛好，配合上鱈魚，可以帶出鱈魚既鮮味，而且d飯好軟身，軟得黎又唔林，香噴噴。海藻烏冬好彈牙，但又唔會太硬身難消化~ 海藻本身無乜特別味道，但就吸去剛才鱈魚味既魚油感。 亮點喺個抺茶卷蛋度，綠茶味濃，且甜而帶甘，茶味香濃，而且蛋卷個cream 好滑好軟，甜而不膩。既然亮點喺甜品，食完卷蛋忍唔住再食多左個綠茶雪芳蛋糕，蛋糕比蛋卷軟身得多，綠茶味依然咁正，但少左個cream 就略嫌dry 左少少。這餐廳主食不俗，但甜品更為出色，下次要食多點甜品，食完今餐明天又要找數跑番幾k啦。