The Blind Pig (諾士佛臺) (Closed)

好耐冇嚟過諾士佛台，今日約咗朋友嚟食飯，呢間餐廳有啲outdoor位，唔少外國人晏晝就開始飲酒，好鬼chill!! 😂🔘慢煮醬燒牛肋骨牛肋骨能夠輕易切開，肉質呈粉紅色而且非常軟熟有肉汁，慢煮果然係唔同啲，一致認為係今日最好食嘅dish，椰菜仔係好健康嘅食物，自己煮好多時都有苦味，但呢度嘅椰菜仔就冇呢個情況!! 🔘水牛城辣雞翼啱晒鍾意重口味嘅朋友，個醬汁唔算太辣但係偏鹹，唔需要再點芝士醬都可以，雞翼都幾大隻同埋炸得香脆，要趁熱食因為凍咗會冇咁好食!! 🔘西班牙香辣蒜片蝦蝦肉大隻彈牙鮮甜，辣肉腸粒粒同洋蔥蒜片都為呢個dish大大加分，伴碟嘅兩片麵包都幾好食喎!!🔘煙三文魚牛油果多士望落隻蛋唔似有流心效果，但切落去啲蛋黃慢慢流出嚟，牛油果煙三文魚味道正常，有返少少醬汁點綴一下會更加好!! 整體食物質素唔錯，適合一班朋友嚟飲嘢傾吓計!!