寬巷子 (Closed)

又黎到星期五happy friday ，lunch可以出街搵食既時候，今次同事推薦去海港城食寬巷子，初初對呢間鋪頭既印象係打邊爐餐廳，但原來佢地出左午市套餐。套餐除左台式湯麵，仲有台式伴麵同埋飯類可以選擇。紅燒濃湯牛筋麵 $108上枱用左大枱碗上，湯底非常濃郁，有牛肉同小小藥材味既湯底，牛筋大約有5-6件，牛筋都蚊得好軟淋，好重膠質既感覺，另外湯麵配埋冬菇，半隻唐心蛋同蔥。而麵係用上類似刀削麵既寬麵，食落會掛上小小湯汁，所以食曬碗麵都冇左大半碗湯。另外隨都都會配2款小食辛辣炒酸菜撈埋落麵條一齊食，食落多一種口感同多一種味道既層次。涼拌皮蛋豆腐平時食台灣菜都會見到既小食