東歐餐廳

臨近生日總係有好多飯局，諗食咩都諗到頭都大埋。由於生日大曬，迫左個同事山長水遠去上環半山搵食，結果食唔到。😌行到身水身汗，就隨便入一間俄國菜餐廳。餐廳入面氣氛裝修都種神秘感覺。正想落單，外籍侍應突然間講中文。唔抱有期望，當食物放入口竟然超級有驚喜，原來俄國菜係咁好味嫁😇😇😇豬肉餃子感覺好中式，好重香料味，味道好特別。酥皮燉牛仔肉酥皮唔係平時食到果種，比較硬身，但配合湯汁，係意想不到咁好味。牛肉同薯仔都好軟身，好入味。比起牛，羊肉更加令我驚艷，石鍋上菜氣勢十足。同樣地，羊肉更嫩更軟。