蝦麵店 (荃新天地) (Closed)

突然好想吃東南亞嘢，醒起之前食過嘅蝦麵店的蝦麵都唔錯，所以就決定去食！呢間店岩岩開舖果時我有幫襯過，覺得佢啲蝦麵湯底都夠鮮，食完都覺得可以翻轉頭再食，但食過今次之後，我都肯定唔會有下次岩岩開張果時，即使我得一個人，都要等半個鐘，所以我果日都特登早啲離開公司，點知去到，無人等位，即刻有得入去坐。我記得上次食係無午市套餐嘅，今次嚟有，不過有寫明午市套餐嘅麵份量係會比正常少啲，最後，點咗個咖哩叻沙雞絲雞蛋麵。碗麵上到枱，我係有啲嚇親，我發誓，呢張相喺係我食之前影，筷子都未拎起！但我睇上去係好似有食過，全無賣相可言..........湯底還可以，都夠濃小稠，唔係坊間喇沙嘅湯底咁又稀又無味；雞絲，雞蛋豆卜呢啲配菜無咩特別但啲河粉就唔掂，幾條幾條痴埋一齊，個口感好厚又好粉，完全唔得😓😓最後呢個小食拼盤中矩中舉，都係無咩特別，不過即使係送嘅小食拼盤，不過都俾足每款嘅醬料，無馬虎。呢次食完真係令我有啲失望，我記得上一次嚟食都唔錯，但今次嚟食物啲水準真係差咗好多，係咪就係佢地Keep唔到個水準所以生意少咗，唔使再等位？我唔知，但希望佢地會有改善。