蝦麵店 (荃新天地) (Closed)

最後一間係荃灣蝦麵店前身叫做檳城蝦麵店但見佢fb都係沿用番檳城呢個名開係荃新天地一期1樓總店係灣仔本身都有十幾年歷史由而家老闆ricky接手再開左鰂魚涌同粉嶺分店之前米紙就有介紹過三間入面以呢一間最黃餐廳無乜裝修不過座位比起古月舒服掃qr code電話落單不過餐牌都幾複雜假日有一人餐或者二人餐因為佢話會員迎新可以換領小食所以我都係揀左一人餐跟餐加24蚊有飲品同小食要左凍菜蜜size一般不過個杯就有裂紋迎新送既雞串有四串淋淋地味道亦都麻麻不過免費就無咩所謂主餐叫左咖哩叻沙湯既蝦肉魷魚麵之前食過古月蝦麵有少少驚所以都係揀番咖哩湯底呢個咖哩叻沙湯算係幾香濃不過食材都一樣係好普通麵都係揀左滲滲整體算係OK唔伏既另外女朋友單點既菜麵唔識欣賞完最後一人餐既小食揀左甜品桔子香茅凍又係第一次食既野酸酸地又有啫喱妹下妹下咁不過賣相就麻麻地三間星馬野都唔洗單一埋單130平均每人65蚊而且有野飲有小食呢間係最抵食仲係最黃有連豬收據亦都有字眼會再幫襯

雖然唔食得蝦，但係都好鍾意食蝦麵店😋除咗蝦之外，都仲有喇沙湯麵食，都好好味㗎嘛😍 辣味蝦湯底 配 蝦肉肉片 $60👦🏽鍾意食蝦，所以一定會叫蝦湯底🥰佢嘅蝦味都係好濃烈，配埋少少辣，更加惹味😋肉片嘅份量都算中等☺️本身揀唔到要油麵定係米粉，但係喺度就可以要晒兩樣，叫摻摻麵😍😍咖喱喇沙湯底 配 魚片四寶 $57👧🏻唔食得蝦，所以通常都係會叫依個🤣佢個咖喱喇沙湯底好香好濃，啲麵好快吸左d湯，每一啖都有咖喱喇沙味👍👍😋😋魚蛋唔係一般魚蛋，似係手打嘅魚蛋，都好爽口👍除左魚蛋之外，仲有墨魚丸、貢丸、腐角，唔算話好特別，但係配埋咖喱喇沙湯底，吸晒d汁，特別惹味😋脆香魚皮 (假日套餐小食加飲品 +$24)魚皮係👧🏻必食嘅小食，因為真係咖喱喇沙湯底真係好好味😋😋😋識落都超級脆，而且唔會有好大陣魚腥臭味😌大大碗，超抵食👍榴槤咖央多士 (假日套餐小食加飲品 +$24)👧🏻鍾意食榴槤，覺得榴槤味可以再多d🤣但👦🏽唔食榴槤，就覺得好大陣味😂😂😂榴槤咖央醬味道唔錯，不過個包覺得可以焗得再脆啲就更好🤭

蝦麵店地址: 荃灣楊屋道1號荃新天地一期1樓108及110號舖突然想轉口味食馬拉野，咁岩見上網啲人介紹呢間野，一於行入去試試 @prawnnoodleshophk_official 先。辣味蝦湯蝦肉肉片摻摻 🦐 $66雖然貌相就比較普通，但聞起就有好香嘅蝦味。一飲佢啖湯就飲得出濃濃蝦膏湯味，再配上BB級嘅辣道，不錯。配料有少少炸蝦乾仔、芽菜、蝦肉同肉片，食落幾有質感，口感不錯。咖哩喇沙湯海鮮麵🥘 $76喇沙湯啲賣相色澤都唔錯，但略缺香味，而且湯底比較淡，有少少失望啦。魚片四寶豬骨雞湯底🍜 $64食物味道就正正常常，無特別驚喜。亞參脆多士 🥪 $16多士烘得好香脆，配上秘濃味醬，都可以啦。榴槤咖央多 🥪$16食物味道就正正常常，無特別驚喜。#nicefoodie荃灣

今天在荃新天地英皇戲院睇電影.因時間還早.便來到荃新天地蝦麵店來過午市套餐.一星期前在灣仔店試過.覺得馬來蝦🦐麵超讃.湯底蝦味濃.還有幾片蝦乾肉清甜.得悉荃新天地有分店.所以特來個美食回憶！點餐如下：1. 豬骨雞湯海鮮麵轉（油麵）2. 咖喱叻沙湯海鮮麵轉（河粉）3. 五香脆炸豆腐豆卜（小食）4. 凍飲檸檬茶餐廳環境.灣仔店.唔覺有裝修.覺得好像雜貨店.但座位好逼夾.食得好唔舒服！荃新天地店.裝修新穎.座位寬闊舒服.窗外園境。食後評核：本人覺得荃新店不及灣仔店.灣仔店湯底比較濃郁.所以還是灣仔店優先！

路過見到呢一間裝修特別既鋪頭，忍唔住入去一試。同朋友仔一人叫左一個餐，斑斕椰香飯配金黃炸雞髀同蝦肉肉片滷麵。斑斕椰香飯配金黃炸雞髀一上枱，忍唔住嘩一聲，隻雞髀大到成半隻碟咁，睇見到流口水🤤。好，廢話少講，即刻咬啖先，皮脆肉嫩，仲好juicy！原本隻雞髀我已經俾滿分，點知食多啖飯，先發現原來果飯先係精粹。果飯充滿椰香味，仲有陣陣既斑斕幽香味，三個字「無得輸」蝦肉肉片滷麵呢個朋友食落覺得好得意，好似食緊碗仔翅加麵底咁，味道唔錯。加啲醋會更加好味，最後成碗食哂，一啲汁都無淨！

好友臨時邀約下班後相聚，筆者立刻提議到bookmark了很久的「蝦麵店」吃晚飯。「蝦麵店」在商場的1樓，店面設計已見甚有特色。可能平日關係，店內食客未算很多。屬於招牌菜的蝦麵，由於同行朋友不吃辣，落單時要求了少辣。但味道卻因此變得非常淡，失去了本來的惹味，所以筆者不建議大家點少辣了。配餸方面，海蝦肉片和鮮肉肉片份量也頗多，其中蝦肉更是彈牙入味。海鮮麵分別有大蝦、魷魚、青口、腐角和蟹柳，非常豐富。咖哩喇沙湯底入口重椰香，再來就是一股微辣的咖哩味。據知餐廳用來逾10款的食材、香料去熬製湯底，難怪味道如此香辣濃郁。麵底選擇了摻摻，油麵、米粉混合在一起，二重口感。雞肉串上舖滿秘製沙嗲醬，醬中還夾雜著大量花生碎粒。雞肉被香料醃得頗為入味，入口伴隨著陣陣炭烤香味。

一直都想試下呢間，佢有幾間分店，去荃灣順便試試佢～🔸白胡椒肉骨油條配白飯👍🏻白胡椒肉骨煲仔上，有兩大條肉骨煮得夠腍，易脫骨肉質嫩滑，仲有豆卜同油炸鬼，湯胡椒味出濃香暖胃，飲完一啖接一啖😋🔸蝦肉肉片面辣味蝦湯底 👍🏻原本想食福建滷麵但賣哂就叫左辣味蝦湯，估唔到又好味，湯底富層次感幾惹味🤤，我地唔係好食得辣叫左少辣都接受到，麵份量如果再多d更好 🔸秘製囉吔 馬來水果沙律，有鮮果、魷魚、油條、小蝦、花生碎等，集咸甜酸於一身 而加Storellet仲有迎新優惠送馬來香炸雞翼或者馬來沙嗲雞肉串😛，我地揀左沙嗲雞肉串有4串，雞肉串上面舖滿沙嗲醬料味道唔錯兩個人食到好飽好滿足，唔駛叫二人餐都得，咁樣點仲抵食，食物幾啱我口味，值得一試😙

晏晝啱啱食完Tea想食返啲惹味野來刺激下食慾然後就記得自己收藏咗呢一間蝦麵店於是乎就過嚟食.首先係八點幾嚟到嘅時候都唔係好多人基本上唔需要等位.入座後我哋靠窗邊坐個環境尚算舒適坐落去都幾鬆動.我哋費事煩就嗌左個2人套餐佢係包括兩款主食兩款小菜自選有個馬拉雞拼盤同埋兩份細甜品+2杯嘢飲因為我哋揀咗哈哈哈面要再加錢total 就286 食哂上面d 野仲要無加一very good prices.我哋就嗌左1. 辣味蝦湯 雞C雞蛋麵2. 咖哩叻沙湯 蝦蝦蝦麵3. 馬拉雞細併盤4. 娘惹參巴咖哩薯仔番薯葉5. 五香脆炸豆腐豆卜6. 蝦麵店特製亞參脆多士7. 榴槤咖叭多士8. 凍菜蜜9. 熱0水.首先講吓個雞絲雞蛋面因為個湯底都唔錯加上配料都幾多所以我覺得係好食嘅.咖喱喇沙哈哈哈麵相對我都冇雞C雞蛋面咁出色都係覺得雞c雞蛋面好食啲我估可能係因為湯底問題.佢個細拼盤我覺得都OK嘅但係雞翼就會比較有啲乾.番薯葉very 出色推介脆豆腐一般般可嗌可唔嗌.而兩款甜品嘅多士我個人覺得榴槤會比較好食啲另一款阿參多士感覺上有啲酸唔係我嘅取向.嘢飲就正常發揮.成餐飯好飽咁抱住個肚走呢個價錢非常之抵食有機會再過嚟食

荃灣咁多嘢食，但係呢一間嘅蝦湯真係令我念念不忘。我叫咗辣味蝦湯肉骨茶麵，肉煮得好林，湯辣度適中，而且蝦味很重，直接飲湯都唔會覺得鹹，完全不是味精湯，而且成個面被提味，暫時係我食過最好食嘅蝦湯面。咖喱喇沙湯雞絲雞蛋面唔會好重奶味，而且咖喱味好出，同雞絲一齊食唔會覺得dry。而且糖心蛋好好食，忍唔住另外再叫多一隻配滷水豆腐豆乾。另外馬拉棧通菜都唔錯, 菜煮得剛好唔會老, 而且醬夠曬, 好入味。檳城焦糖咖啡係典型三亞口味，會偏甜，如果怕太甜嘅可以試下飲佢地既熱杏仁霜。最後我意猶未盡咁叫咗個橘子香茅凍，本身食完馬拉盞通菜有啲膩，個口即刻被清洗過咁，開胃解膩一流。

蝦麵店咖哩喇沙湯底海鮮麵(加大)辣味蝦湯底蝦肉魷魚麵馬來沙嗲雞脾肉串價錢💲: $68+8/ $62/ $+14好味程度😋: 3.7/5服務🍴: 3.7/5環境🗾: 3.7/5性價比🥢: 3.7/5回頭率😚: 3.7/5-係好多地方都有的💛，想食喇沙蝦麵一定會記得佢！荃灣citywalk就有一間，lunchtime去左試下，都算正路。-✅咖哩喇沙湯底海鮮麵(加大)。湯底好濃！重口味人士之選！🤤喇沙底中帶淡淡的咖哩香，再加小小的椰奶同紅油，好惹味🥰 飲落口小小杰，對於我係啱啱好的濃度。揀左油麵，同喇沙底最夾，掛到啲湯上來😆 豆卜芽菜索湯，海鮮有大蝦，腐角，蟹柳，青口同魷魚🦑蝦唔大隻得來有啲霉，但其他的都正常。同埋加埋一齊都唔算小餸。-✅辣味蝦湯底蝦肉魷魚麵。呢個湯底稍為清淡，飲落有好出的蝦味，辣味再滲出來，啱中意淡淡地的人。呢個要左摻摻，比油麵多左米粉，所以會清爽啲冇咁漏😛 蝦肉太細隻，雖然係新鮮蝦，魷魚都新鮮的。-🆗馬來沙嗲雞脾肉串x2 。雖然有花生粒係面，食落都有花生味🤪但係佢太細條，同埋肉質好乾有啲柴，一般般🤐-呢個價錢來講都OK，兩款湯底都做得唔錯，但係嗰樣小食就麻麻哋。覺得你都可

是日與妹妹隨緣追星，電影宣傳活動2pm開始，我們大約1pm才到達，中庭位置當然已擠得水洩不通！妹妹很肚餓，所以什麼都不顧的先去醫肚～～～大家只顧追星，餐廳都不用等位就可以入座。剛好所選中的蝦麵店，一落電梯就可到中庭位置。幸運的獲編排靠窗位置，可看到大電視，知道活動開始了沒有！！有假日套餐優惠，在主餐牌選一款飯或麵，加$24配一份小食及一杯飲品。我們選了$68的咖喱叻沙湯海鮮麵+蝦麵店特製亞參脆多士(半份)，再加$10轉配馬來白咖啡。另外，還選了白胡椒肉骨油條配白飯。登記做餐廳會員，可獲贈馬來香炸雞翼或馬來沙嗲雞肉串，我們選了後者啊～咖喱叻沙湯海鮮麵，麵是摻摻，油麵和米粉的組合，米粉不會煮得糊糊的。海鮮配料有大蝦﹑魷魚﹑青口﹑魚餅﹑蟹柳﹑芽菜及豆卜。湯底不算好辣，帶咖喱味及淡淡椰奶香，味道溫和。60多元來說，海鮮配料都算食得過！青口及蝦都大隻，豆卜及魚餅夠吸湯，魷魚的份量也不少，只是稍嫌蝦不夠爽口彈牙！白胡椒肉骨油條配白飯，選了regular size。蝦麵店的肉骨茶是新加坡的風格，湯頭顏色淺﹑偏重於胡椒味﹑少了那陣濃郁的藥材味，對於不喜藥材味的食客而言，這款是容易入口的肉骨茶！肉骨茶味

荃灣搵食真係多不勝數～但要食馬拉菜呢又真係唔多！蝦麵店主打檳城小食、特色湯粉麵～有全日百搭餐及二人套餐供應！不過今次就單點～辣味蝦湯 蝦肉魷魚摻摻 $62 湯頭有蝦嘅鮮甜，辣得好輕很順口！魷魚還有水魷+吊桶很用心！麵底選了摻摻，米粉吸湯，油麵彈牙不同口感！福建滷麵 蝦肉肉片 $71 特濃稠嘅湯底包裹住滑溜嘅河粉，味道既熟識，但質感又幾新鮮！檳城小食拼盤 $108 有4款小食（豬肉卷、雞翼、沙嗲雞、豆卜）豬肉卷有芋頭豬肉，仲有九層塔香氣，味道惹味濃郁。沙嗲雞肉串 採用特製沙嗲醬，花生呈粗粒，特別香口。焦糖咖啡比較偏苦又帶點可可香氣。榴槤咖央多士$19/半份有3塊，榴槤味嘅咖央醬比較似榴槤糖果種味，味道唔算好濃烈。

以馬來西亞蝦麵聞名，湯底精心熬製多個小時，具正宗馬來風味。湯頭有蝦嘅鮮甜味， 又唔會太辣!蝦丸都好好食 蝦肉係鮮蝦又甜又爽口麵條索哂個湯真係好惹味 配料仲有豆卜肉片 份量大又好食 個汁濃而不油凍杏仁霜 解辣一流馬來香炸雞翼 炸到好脆口 咬開有肉汁消費$111Shop 108&110, 1/F, Citywalk 1, 1 Yeung Uk Road, Tsuen Wan

自己甚少食馬來西亞菜，早前經過一間叫蝦麵店食店，就入去試下。款式選擇不少，有飯有麵，麵仲可以配上吾同湯底。愛食海鮮的我，點了豐盛海鮮麵豬骨雞湯底，麵轉了摻摻，即係油麵混入米粉，飲品選了熱檳城焦糖咖啡。見到餐牌上有榴槤咖央多士，想一試，所以點了半份。海鮮材料夠豐富，有蝦，魷魚，手打蝦丸，青口和腐角，一次過食到多款海鮮，而湯底幾鮮味。油麵混入米粉，雙重口感。榴槤咖央多士，入口有濃郁榴槤味，鍾意食榴槤的朋友要試下。

行街經過呢間星馬餐廳，列明是採用源自1942年檳城福建麵秘方，兩人套餐$258，包括兩個主食、小食、兩個小菜、兩個飲品、兩個，加上有好多食物選擇，望落挺吸引。一入座店員會提供QR code自助落單，好方便。*小碗招牌辣味蝦湯底 - 肉骨配摻摻 (+$12)湯底用蝦殼、洋蔥、辣椒等材料，每啖湯有好濃蝦味，好鮮甜，完全唔會覺得辣/ 渴口。肉骨我成日有一種感覺係有骨無肉，呢碗裹面2大舊都啖啖肉，肉質軟淋，骨軟到食埋都無問題。*小碗福建滷麵湯底 - 蝦蝦蝦配摻摻 (+$28)湯底以蝦、豬骨、雞熬製，再加入蛋漿及獨門調味，好稠身，質地類似台灣麵線湯羹。蝦蝦蝦原本期望比較多蝦出現，但大蝦只有一隻，而且是唔新鮮; 蝦丸有2粒，好爽口鮮甜，另一款蝦是1開2的小蝦米，如果另加$28呢個份量真是麻麻地。*小食拼盤 -沙嗲雞脾肉串 (2串) +馬來香翼 (2隻)肉質嫩滑，沙嗲汁比一般重花生醬味，加上爆香蒜頭同薑絲，真是好惹味。雞翼香脆，不過炸得比較乾。*五香脆炸豆腐豆卜五香粉灑面，口感香脆可口，配酸梅醬，酸酸甜甜挺開胃。*娘惹參巴咖喱蕃薯葉味道香濃，朋友食開bb辣唔係好接受到，不過番薯葉同蕃薯鮮甜。*桔子香