和氣食堂 (黃大仙中心南館)

Open Now

Now Closed

黃大仙中心商場有南館同埋北館兩邊，呢間日式料理餐廳就喺南館𥚃面，雖然外面又熱又濕，由黃大仙地鐵站可以直接到達呢度呢，超方便。嚟左呢度食晏，食左個特盛定食，有蒸蛋丶軟殼蟹沙律丶壽司丶燒黑豚腩飯同埋餐飲，超飽。蒸蛋熱辣辣上枱，𥚃面有香菇丶鷄肉，至緊要係啲蛋夠曬滑，滑到可以直接由🥄啜啲蒸蛋入口。軟殼蟹沙律裡面嘅軟殻蟹喺成半隻上枱比你，夠晒豪，沙律菜夠新鮮，好味道。特盛定食中有大大粒嘅帆立貝壽司丶三文魚子壽司丶海膽壽司丶火炙左口魚邊壽司、珍寶赤蝦壽司，每款一件，海鮮又夠新鮮，三文魚子大大粒，海膽本身身體嘅紋路非常清晰，絶對唔係外面餐廳已經熔晒又開始出水嘅海膽壽司。燒黑豚腩飯上枱時剩係見到燒豚腩肉，差不多見唔到有飯。飲品要左杯宇治金時，綠茶配紅豆冰，唔會太甜，好好味。