Video
Read full review
2021-11-09
45 views
🍴最近工作關係經常需要係銅鑼灣進餐, 經過餐廳門口俾一對行緊落條全白色樓梯既情侶吸引左我目光, 平時行過都無留意到呢間門面咁靚既係一間餐廳, 仲要係自己好耐都無食過既🥢新加坡菜, 二話不說便拉埋同行友人一齊上去一探究竟..🥤一上到去, 環境既舒適已經令我心情大好, 可以暫時放低一天工作既疲勞, 準備醫飽自己個肚. 整體空間感夠大之餘, 仲有舒服柔和既梳化, 讚!👍🏿.📝去到點餐處見到個MENU, 選擇好多唔同種類, 睇左幾頁已經有6,7樣野揀得落手, 不過人類始終有極限, 所以都要好似小朋友咁做出選擇..🥗首先叫左個去左幾次新加坡既友人話好想食既Rojak $78 做前菜, 我自己第一次食, 味道同口感既多層次, 絕對係有驚喜既, 青蘋果既微酸爽口, 青瓜同沙葛既清新鮮脆, 油炸鬼同烤豆卜吸左甜甜地既Rojak醬變得軟熟, 再加上花生碎畫龍點睛, 呢個前菜絕對醒胃豐富, 超級超級超級值得推薦!‼️‼️‼️.🍜醒胃前菜之後, 我已經準備好食肉脞哥羅麵$78! 店員上菜時我差啲就想叫住問點解無麵, 係未俾錯左個淨餸我, 但我提返自己唔係食緊車仔麵, 果不其然, 只係太多餸完全遮住左啲麵, 炸雲吞
🍴最近工作關係經常需要係銅鑼灣進餐, 經過餐廳門口俾一對行緊落條全白色樓梯既情侶吸引左我目光, 平時行過都無留意到呢間門面咁靚既係一間餐廳, 仲要係自己好耐都無食過既🥢新加坡菜, 二話不說便拉埋同行友人一齊上去一探究竟.
.
🥤一上到去, 環境既舒適已經令我心情大好, 可以暫時放低一天工作既疲勞, 準備醫飽自己個肚. 整體空間感夠大之餘, 仲有舒服柔和既梳化, 讚!👍🏿
.
📝去到點餐處見到個MENU, 選擇好多唔同種類, 睇左幾頁已經有6,7樣野揀得落手, 不過人類始終有極限, 所以都要好似小朋友咁做出選擇.
.
🥗首先叫左個去左幾次新加坡既友人話好想食既Rojak $78 做前菜, 我自己第一次食, 味道同口感既多層次, 絕對係有驚喜既, 青蘋果既微酸爽口, 青瓜同沙葛既清新鮮脆, 油炸鬼同烤豆卜吸左甜甜地既Rojak醬變得軟熟, 再加上花生碎畫龍點睛, 呢個前菜絕對醒胃豐富, 超級超級超級值得推薦!‼️‼️‼️
.
🍜醒胃前菜之後, 我已經準備好食肉脞哥羅麵$78! 店員上菜時我差啲就想叫住問點解無麵, 係未俾錯左個淨餸我, 但我提返自己唔係食緊車仔麵, 果不其然, 只係太多餸完全遮住左啲麵, 炸雲吞, 白魚蛋, 豬潤, 冬菇, 脆豬肉數都數唔晒既料全部都好好食又好夾, 個拌麵配上辣醬十分惹味, 還有個湯滋潤平衡返整體口感!😋
.
🍲隨後友人叫既麵粉粿乾$78 , 又係琳瑯滿目既食材填滿左我既視野, 我試了幾口, 最值得一提既係炸江魚仔既鮮味, 令整個菜口感味道提昇至另一層次, 十分地道!
.
🍹飲品方面友人叫左個薑汁奶茶$28和 我自己叫的咖啡祿$28都十分好飲, 可以睇得出呢間餐廳絕對無忽視飲品呢一環, 另外餐牌上有個叫美祿爆炸的已經預先成為了我下次會點的飲品.🍷
.
🥞到最後雖然我同友人都已經食到頂住左個肚皮, 呢個時侯小時間上的生物課終於派上用場, 我地甜品係用第二個胃既🍭, 所以我地唔可以錯過呢個薄餅炸彈$38! 就同其他菜式一樣, 甜品🍬都唔會馬虎了事, 咖央醬加煉奶充滿了整個口腔, 咬落脆化既薄餅會令你一塊接住一塊咁食, 叫左呢個絕對無後悔！
.
⭐️性價比：5/5星
💰人均：$150港元
Post
