尚鮮海鮮料理 (Closed)

呢幾日天氣涼涼哋，甚至可以話有少少凍，感覺五月天氣唔應該係咁樣嘅，咁打邊爐應該係最佳嘅選擇，雖然香港哋365日都可以打邊爐嘅。呢日來到銅鑼灣耀東街呢間『尚鮮火鍋海鮮料理』，可揀嘅食物都很多樣化，睇咗好耐都未落得手，於是店員就挑介咗個『星級之選套餐』，睇吓，真係幾好，有齊冷盤，海鮮，牛，豬，(冇羊)丸類，水餃，菜，麵，咁就呢個喇。湯底要咗雙拼，有養生的姬松茸冬瓜湯底+血池麻辣湯底，我個人覺得海鮮及豬紅啱麻辣湯底。海鮮拼盤有蝦，聖子，蜆，同埋鱔片，而豬三毛就有豬紅，豬皮，豬潤。蝦够大，够鮮；聖子肉就好爽，記住唔好灼太耐，蜆亦鮮甜無比，係麻辣鍋灼過更惹味。豬紅本身比較淡味，所以啱麻辣鍋。手切安格斯牛，刀功勁，薄薄一片，灼幾秒就吃得。木耳鮮蝦雲吞勁大隻，入邊有成隻蝦，好味。鮮菜菌盛就有新鮮生菜，菜心，好新鮮同埋好甜，烏冬亦係高質鳥冬，满意的一餐。