尚鮮海鮮料理 (Closed)

上星期同朋友去銅鑼灣食飯, 曾經食過呢間的打邊爐, 覺得水準幾好, 今次就去試下佢的小菜同串燒。由於疫情關係, 座位唔滿, 幾闊落, 坐得幾舒服。卡位座位有小電視可以睇, 幾貼心! 我地叫左2碟前菜同一D串燒。湯品: 清清地的中湯, 冇乜味精味麻辣浮皮呢款涼拌帶點酸麻辣, 味道有D似掃街食到的特色重慶小食。豬皮軟而爽口。 泰式海生蝦生蝦幾新鮮, 蝦肉爽彈,一D都唔梅。同生蒜一齊食增加左味道層次, 好夾。串燒叫得比較多, 等待的時間好彩唔長, 而且全部一齊上。牛舌幾香口, 口感偏淋。豚肉帶子串聽落幾高級, 豚肉有點油脂香氣, 食落幾好味, 亦食到帶子, 但味道被豚肉蓋過了。 生蠔蠔肉幾大粒, 唔會燒到縮晒水, 火候幾好。咬落去好juicy, 唔腥, 而且蒜味幾香。帶子好大隻, 幾厚肉, 燒的時間掌握得幾好。燒白鱔魚脂被火燒後咇晒出黎, 食落好有魚脂香味, 肉質實而滑。如果份量多D就更好牛肉瘦肉部份較多, 牛味重。總體黎講, 串燒都算幾好! 可以一試。

星期一悶悶地，最近又常常係屋企食飯，所以同老公今晚晚餐想出街食，經過銅鑼灣耀華街既百樂中心，眾所周知呢到好多層都係食肆之前試過位於八樓既 尚鮮海鮮料理不過之前係食火鍋，都很不錯，原來都有做串燒和其他小食等等.....一於去試試一進去環境依然乾淨企理!有哂消毒設備!令我地食得很放心，坐位都很舒適，卡位仲有電視睇添!我們點了尚鮮海鮮龍蝦湯鍋 烏冬 海鮮份量都很多，而且新鮮，肉質彈牙!湯底係用原材料淆出來的，味道鮮甜，還有牛油香!!烏冬一食就知唔係便宜貨，很滑煙韌!很喜歡!另外點了些串燒芝心牛丸芝心麻糬雞翼首先要讚一讚芝心牛丸和芝心麻糬，未咬已經見到芝士流了出來(個人很喜歡芝士),店員仲好細心提醒小心一咬太多芝士流出來會好熱，果然很多芝士，牛丸彈牙!麻糬煙韌!出色今晚主題是日式串燒居酒屋當然要點埋紙包燒雜菌和日本生啤啦！店裡還做緊優惠，適逢今天是星期一，生啤仲有買一送一添!如果去岩時段還有折扣優惠!真係又抵又好味!下次較岩時間再來幫襯

今日同朋友黎到位於銅鑼灣既尚鮮食晚飯。平時打邊爐打得多，今次我同朋友就決定試吓私房菜。我同朋友首先叫咗一個尚鮮毛血旺。毛血旺嘅份量都幾大，材料豐富，入面有豬紅、牛柏葉、豬膶、豬舌、牛肉、金菇、青瓜等嘅材料。毛血旺非常之麻辣，每樣材料都十分入味，尤其當中嘅金菇，將湯底嘅味道同湯汁完全吸收在內。 另外我哋亦都叫咗一啲串燒。燒生蠔上面有蒜蓉同埋香蔥，再配上十分鮮甜嘅蠔，回味無窮。燒海蝦亦都很不錯。蝦殼帶鹹香，而且被輕微燒焦。蝦肉亦都爽口彈牙，帶鮮甜，非常新鮮。燒芝士獅子狗一咬落去啲芝士味就相當濃烈，好正。牛舌同牛柳粒亦都燒得好香，油份比火燒到出哂黎，相當不錯。最後粟米亦都好鮮甜，帶焦香，我同朋友都好鐘意食。鮮炸蒜香牛蒡可以話係啤酒既最佳餸酒小吃。牛蒡炸得好香好脆，口感非常之正。蓮子百合湯則清中帶甜，更有助補肺，健康又好飲。

疫情下，出街食飯都想安心啲，就會揀啲設計寬敞啲嘅餐廳，咁啱響facebook見到朋友去咗呢間日本餐廳，見到格局好寬敞，咁我都嚟呢度試下啦！原來呢度除咗有火鍋套餐，私房菜，仲有串燒鍋物等。 。。想食得簡單啲，我哋只係單點咗啲日本料理。先點了一個日式味噌蠔鍋🍜來填飽個肚😆，生蠔經酥炸，有6隻，對比一般餐廳都算幾多生蠔，而且酥炸完浸湯啲粉漿都唔會散開👍，麵底係烏冬，湯味好濃，加返啲蒟蒻同蘿蔔，相對健康清新啲。土匪雞翼又幾似3哥果啲，不過麻香味更濃，我更喜歡。紙包燒野菜 味道較淡口，純粹係健康之選。之後就點咗啲串燒🍢，諗住坐慢慢坐多陣。燒炸魚角燒墨魚丸相信本身係用來做火鍋料，但燒嘅手勢相當唔錯，唔會爆開又唔會燶曬，皮乾內軟。玉子燒棒棒中間芝心，但再多啲芝士會更正， 做到滿瀉效果更好。😋燒雞肉串雞肉好嫩，咬落有汁夠juicy，新鮮嫩滑，而且唔太鹹，空口食啱啱好，唔口渴。燒芝心牛丸呢個最正，芝士爆多，食之前侍應都叫我哋小心一啲，一咬落去標汁跟住標芝士，重要標完芝士後仲係有好多芝士係入面， 而且呢隻芝士味比玉子果款更濃香。

最愛打邊爐，偏偏遇上呢個抗疫時刻，大家都少咗圍爐。餐廳應變得好快，即刻推出新菜單，俾客人有多個選擇。今晚就試吓 尚燒串燒• 酒魂•拼盤，有燒生蠔丶海蝦丶牛柳粒丶牛舌丶芝芯竹輪丶粟米，配沖繩生啤或日本清酒，如果唔嗜酒，可以轉洛神花蜂蜜茶或青檸梳打蜂蜜；每位客人都送一碗「潤肺健脾湯」，材料有排骨頭丶蓮子丶百合丶芡實丶蜜棗等… 加埋鮮野菌炒時菜，黑豚肉炒稻庭烏冬，就啱啱好喇～餐後仲有甜品一客知道近排少咗人出街打邊爐，所以店家仲介紹咗佢哋嘅外賣邊爐餐，餐單可以向facebook睇到，有送貨或外賣自取，都幾方便喎！

最近去左呢間位於銅鑼灣嘅餐廳食晚飯，本身對食物都冇咩期待，只係貪位置夠就腳，點知食物嘅味道非常唔錯，值得推薦。我地就叫左個 私房菜套餐，非常豐富。首先有一個老火燉湯，非常入味，而且落足料。之後有個刺身拼盤，我特別鍾意佢個帶子同鮑魚，非常之鮮甜。接住就有個雙色煎海蝦，分別係茄汁味同椒鹽味，非常有住家嘅感覺。香煎安格斯牛柳粒味道亦非常唔錯，食落香口又嫩滑，口感非常好。燒生蠔亦都好好食，非常之鮮美。烏冬抄得非常入味。最後有個桂花糕做甜品，整體而言食物質素相當唔錯。

呢排home office成日都係屋企食飯，當然耐唔耐都要同朋友出去食飯見個面。今次就試吓呢一間尚鮮海鮮火鍋料理，係一間食私房菜同埋有火鍋嘅店舖嚟嘅。一入到去，見到個環境好舒服，啲卡位係有板隔住嘅，所以私隱度都幾高。有趣嘅係，啲卡位入面係有個小小嘅電腦比大家睇㗎! 坐低嘅時候，店員即刻為客人噴上酒精搓手液等我哋清潔雙手，做好防疫措施。店員嘅服務態度都好好，好熱情咁向我哋介紹佢嘅Menu同埋招牌菜。今次我哋嗌左個花膠燉雞象拔蚌同埋尚鮮串燒酒云拼盤。先講咗個花膠燉雞象拔蚌先，一上菜嘅時候，店員捧咗一大鍋蟲草花花膠燉雞湯，望落去已經覺得好足料，勁多花膠同蟲草花，好香，飲第一啖嘅時候真係哇咗一聲，超級好味！佢哋話如果客人想嗌呢一個湯，係要預先訂位架! 因為店舖要用3-4個鐘去熬呢煲湯，真係落足心機同時間。再加上象拔蚌刺身非常鮮甜，呢個配搭真係一流！個湯都幾大㗎，可以分到七至八碗。如果要打邊爐，大家可以選擇每人飲咗一碗湯，再加上湯打邊爐，一舉兩得。另外串燒拼盤都非常吸引，有燒海蝦，燒生蠔，燒牛柳粒，燒牛舌等等。我覺得最好食係串燒牛舌，好入味同埋好厚，口感一流。加埋一人一杯沖繩生啤，真係好好嘅配搭

放完工就想同朋友啤一啤,知道呢度有串燒拼盤,價錢都幾抵,就黎左二人世畀啦!等既期間有兩碗清肺既湯,好滋潤。拼盤有我中意既燒蠔,燒得熟又唔老,有CORN,最中意食燒CORN,唔洗去BBQ都有得食,真好!個芝心獅子狗先正呀,流心架!牛肉串同牛舌串都好唔錯!當然唔少得海蝦串燒啦!食完D蝦我地都好中意,就追加左一碟黎飲啤酒啦!係OKINAWA既啤酒。只得小食唔係好飽,就叫左個藥膳醉雞窩,裡面有烏冬,相當飽肚,烏冬食落似手打,好彈牙。個湯底好好飲,藥材味唔重,岩我!飲落有少少酒味,唔錯!雞既份量都唔少,同埋好嫩滑呢!連龍眼乾同DATES呢D我平時唔食既野我都食左唔少,煮到好淋,好入味。呢度既服務都唔錯呀!

近排易情稍為緩和，銅鑼灣耀華街百樂中心好多人排隊！本身想上黎諗住打邊爐但係都有啲擔心，所以尚鮮唔一定要打邊爐，仲有串燒食！ 有個串燒拼盤幾抵食！$169蚊包咗兩杯生啤，正呀！！燒生蠔生蠔非常飽滿！又用左好多蒜香，非常濃郁又入味！燒海蝦，燒得剛好，蝦既精華仲能保持到！蝦肉幾新鮮，夠哂爽彈，帶點點麻辣感，正呀！芝士獅子加，內有半溶芝士，幾香滑。燒牛舌粒，已放上少少調味粉，帶起惹味感。燒栗米幾香甜！整體非常抵食！

放左工想同朋友飲杯野就上左嚟百樂中心呢間海鮮料理。吹水就緊係要叫返啲串燒，一邊傾一邊咬下咬下啦$169 有咁多款都幾開心話明居酒屋酒類選擇都真係幾多岩哂酒鬼唔飲酒仲有自家製洛神花茶，感覺好似幾健康拼盤嚟啦都幾大份，佢啲燒蠔好新鮮好肥美蝦🦐都好新鮮爽口調味唔會好重，食到海鮮嘅鮮味燒牛柳粒都好好味唔會咬唔到，面頭少少鹽就好惹味再嚟一個水煮牛肉有芝士腸，黑木耳，牛柏葉，豬紅同金菇 唔太辣用嚟送飯就好 仲有個桂花大菜糕做甜品

好耐冇吃過好西，都要抖一抖氣，為自己refresh 下。係時代廣場影完過百隻公仔打卡之後，就去左百樂中心醫肚！呢間有打邊爐，私房菜，燒烤，大家就可以每樣試少少！1.串燒酒云拼盤蒜蓉生蠔🦪仲係好大隻，岩曬吾鐘意滑嘟嘟個種質感。燒海蝦有少少海鹽，香脆可口。燒牛柳粒一咬落去，有油脂，而且仲係爽口。燒芝士獅子狗卷入面係流心芝士，有驚喜！仲有燒粟米同牛舌！2.豚肉炒烏冬好野味！啲豚肉係薄切，而且都好大塊，有6,7塊，每一口烏冬都有肉送。啲烏冬係幼滑細膩，十分爽口。3.日本清酒煮蜆啲蜆好乾淨，冇沙。下面仲有啲似瀨粉嘅粉線！幾新奇。不過，我佢湯底太重胡椒味，食落有點辣！4.甜品-桂花糕5.特別推介店員特別推出蓮子百合，係對抗肺炎必飲嘅湯水，對肺非常好，又冇味精！6.飲料-洛神花蜂蜜茶 比較清清地，仲有助安眠嘅效果。不過接受到洛神花嘅味先好叫。如果唔鍾意洛神花蜂蜜茶就可以叫青檸梳打，酸酸味味非常開胃！

呢排因為老婆話想食私房菜，咁啱佢就喺香港島嗰邊返工，又近銅鑼灣，所以就喺附近搵吓有啲乜嘢私房菜食，老婆約咗我喺時代廣場附近，原來有間食府叫尚鮮，呢間之前主打係打邊爐，不過原來有其他菜式揀，我們就選擇私房二人晚餐，睇餐牌已覺好豐富。價錢亦都好扺食，主要係食海鮮，基本上龍蝦丶聖子丶海大蝦丶扇貝丶大蜆等等，肯定夠飽，而且每道菜式都與別不同，又有生啤係沖繩嘅生啤酒買一送一，精選晚餐私房菜晚餐有以下幾樣嘢食，首先你個川貝海椰燉鱷魚排湯，呢個湯味道濃厚，好足料的感覺，頭盤係刺身，真係好新鮮，好付合呢間餐廳的名字「尚鮮」！蒜香燒生蠔真係好惹味，豚肉炒烏冬，烏冬好幼細，炒得好入味，煎安格斯牛柳粒，呢道係我最喜歡，入口即浴，雙式煎活海蝦，有甜味又有棘味，口感豐富，桂花糕又係自家製。值得一提的原來仲有火鍋配料外賣，好方便係屋企打邊爐又唔使諗買咩配料，因為已經乜都有，而且用料新鮮，而湯底又用上等的湯料制成，又好味健康。

白鱔新鮮份量挺多， 而且廚師刀工一流， 完全食唔到有骨。百花釀油條即叫即炸， 即食香脆唔油膩， 浸湯食亦保持咬口。食海鮮最緊要新鮮 ，而桂花蚌和珊瑚蚌同時做到新鮮嘅要求， 放在湯裡短時間灼一灼， 已先甜爽口豚肉片亦有香濃嘅豬味。肥牛點了，手切牛邊位， 肉味香濃， 不過如果可以厚一點，就更加有咬口