Video
Read full review
2022-02-07
49 views
在銅鑼灣食晏從來都唔系易事，本來只想在茶餐廳食個快餐，點知人頭湧湧，於是見到姐姐努力地派傳單，就半推半就咁吃了一頓不錯的蟹黃午餐。地點是「蟹仙海鮮蒸碢大公館」價錢當然比茶餐廳貴三份一，但質素就好好多，同店員傾咗一輪之後就預訂了另一天的晚餐。可惜天意弄人第五輪疫情就殺到埋身，只好將晚餐拖延多幾星期，最後決定提早吃晚餐一了百了。店內裝潢簡潔，大約十多張枱，當天只有我們唯一枱客，哎～希望餐廳能渡過難關。店員稱老闆有40年海鮮買手經驗，確保每一種海鮮均是由漁民捕獲的新鮮靚貨。55 折後專櫃海鮮套餐$439/位我形容這是強大海鮮陣容，我平時都唔多食海鮮，一個字「懶」拆殻，今日可能已經將我一年拆殻嘅quota 用盡了。石窩蒸海鮮更是第一次試，用一頂類似農夫草帽的蓋子蓋着海鮮，店員貼心地為我們預備及調教每種海鮮的時間，令海鮮出爐的時間更精準，味道更佳。套餐共十款海鮮，味道由淡至濃，先由「深海星斑」半份以薑蔥焗幾分鐘店員為我們打開蓋就有得食啦，星斑肉質細嫩，蒸出原來的甜鮮度。「越南大虎蝦」通常開邊蒜蓉蒸，好少用咁大隻虎蝦嚟清蒸，又試吓係點。他隻肉質紮實飽滿，口感厚實，蝦味濃郁，相當唔錯。「台灣九孔鮑魚
地點是「蟹仙海鮮蒸碢大公館」
價錢當然比茶餐廳貴三份一，但質素就好好多，同店員傾咗一輪之後就預訂了另一天的晚餐。可惜天意弄人第五輪疫情就殺到埋身，只好將晚餐拖延多幾星期，最後決定提早吃晚餐一了百了。
店內裝潢簡潔，大約十多張枱，當天只有我們唯一枱客，哎～希望餐廳能渡過難關。店員稱老闆有40年海鮮買手經驗，確保每一種海鮮均是由漁民捕獲的新鮮靚貨。
55 折後
專櫃海鮮套餐$439/位
我形容這是強大海鮮陣容，我平時都唔多食海鮮，一個字「懶」拆殻，今日可能已經將我一年拆殻嘅quota 用盡了。石窩蒸海鮮更是第一次試，用一頂類似農夫草帽的蓋子蓋着海鮮，店員貼心地為我們預備及調教每種海鮮的時間，令海鮮出爐的時間更精準，味道更佳。
套餐共十款海鮮，味道由淡至濃，先由「深海星斑」半份
以薑蔥焗幾分鐘店員為我們打開蓋就有得食啦，星斑肉質細嫩，蒸出原來的甜鮮度。「越南大虎蝦」
通常開邊蒜蓉蒸，好少用咁大隻虎蝦嚟清蒸，又試吓係點。他隻肉質紮實飽滿，口感厚實，蝦味濃郁，相當唔錯。
「台灣九孔鮑魚」
識食一定以清蒸，可以吃鮑魚的鮮味，原汁原味，肉質彈牙，嚼勁十足。正值青口當造季節，剛蒸出來的「大西洋野生青口」漲卜卜，味道份外清甜，吃慣雪藏貨色就感覺好大分別，新鮮青口肉質更富彈性。
「紐西蘭刀背蚌、紐西蘭月亮貝」
這兩款海鮮味道都好相似，先吃到係海水嘅鹹香、繼而係貝類嘅鮮甜，冇渣、有嚼勁。「韓國慶南珍珠蠔」
蒸煮時間拿捏得10分準成，珍珠蠔剛剛熟，時間不多不少，其身型特別圓潤，咬落爽脆，內裡超juicy ，完全唔感覺到有腥味。「西澳龍蝦」
龍蝦肉雪白，肉質爽脆、十分鮮甜美味，蝦頭亦有不少蝦膏，我們索性把整隻龍蝦殼放入粥底內烹煮。我會形容他是壓軸好戲
「罕有大黃菲律賓奄蟹」
一打開蓋見到已經蒸熟機奄仔蟹是勁爆蟹膏，雖然我唔食蟹膏但係都偷偷輕嚐咗一口，口感滑如忌廉，味道好似豬潤，但多了一份鮮味，除咗食蟹膏之外，原來蟹肉都唔少，蟹鉗是我最喜歡嘅海鮮，鮮甜、啖啖肉真係好好味。三款「有機蔬菜」
蒸出嚟嘅蔬菜，基本上係冇味嘅，所以要用啲醬油嚟調味。
最後梗係要食埋個海鮮粥底，它就是將我剛才吃過嘅海鮮精華滴滴放在粥底內，粥底又香又甜又棉蜜，每人分得兩碗多，絕對足夠填飽肚子。
最後送上甜品 【椰汁雪燕】
Post
