Read full review
2021-04-04
1362 views
- 今次黎左重慶大廈，為大家揭開神秘面紗🤣🤣😂！- 先講下入餐廳既流程俾大家知，如果想去都唔會咁緊張啦😆。首先，重慶大廈門口要先量度體溫，然後當你探完熱之後就會有好多人Sell你入佢餐廳，真係超級熱情🤣❤️！但呢個時候你要堅定啊，你要同佢地講去邊間餐廳，佢地就會指路俾你嫁啦，唔係就問保安叔叔都得嫁！- 而我今次想介紹俾大家既就係重慶大慶其中一間 #黃店 —新德里餐廳。呢間餐廳係一入重慶大廈之後，直行去到盡頭既𨋢口，再上3樓。- 呢間餐廳裝潢雖然唔係華麗型，但都充滿印度風情同乾淨寬敞。而且美食性價比好高，亦都夠哂實在。- 上餐之前，店員會免費送上印度特色既胡椒脆餅Papadam，同樣配有酸酸甜甜既羅望子醬同薄荷乳酪醬🌿。但呢款胡椒脆餅真係好鹹🥴，食完都要飲好多水。- 今次我地同樣叫左素食既Samosa，佢地既咖哩角係正常Size，但真係好平好抵食。味道方面，我覺得佢相對有香料味，但唔會好似平日街邊買果啲咁濃味，都容易接受，不過不失。- 之後，我地叫左薄荷雞肉咖哩炒飯。呢個炒飯唔太食得出薄荷味，但咖哩味好重，都有啲辣🌶，但好惹味，我覺得好好食😍。而且佢地用既係印度長米，食落乾身啲，但配上咖哩
- 先講下入餐廳既流程俾大家知，如果想去都唔會咁緊張啦😆。首先，重慶大廈門口要先量度體溫，然後當你探完熱之後就會有好多人Sell你入佢餐廳，真係超級熱情🤣❤️！但呢個時候你要堅定啊，你要同佢地講去邊間餐廳，佢地就會指路俾你嫁啦，唔係就問保安叔叔都得嫁！
- 而我今次想介紹俾大家既就係重慶大慶其中一間 #黃店 —新德里餐廳。呢間餐廳係一入重慶大廈之後，直行去到盡頭既𨋢口，再上3樓。
- 呢間餐廳裝潢雖然唔係華麗型，但都充滿印度風情同乾淨寬敞。而且美食性價比好高，亦都夠哂實在。
- 上餐之前，店員會免費送上印度特色既胡椒脆餅Papadam，同樣配有酸酸甜甜既羅望子醬同薄荷乳酪醬🌿。但呢款胡椒脆餅真係好鹹🥴，食完都要飲好多水。
- 今次我地同樣叫左素食既Samosa，佢地既咖哩角係正常Size，但真係好平好抵食。味道方面，我覺得佢相對有香料味，但唔會好似平日街邊買果啲咁濃味，都容易接受，不過不失。
- 之後，我地叫左薄荷雞肉咖哩炒飯。呢個炒飯唔太食得出薄荷味，但咖哩味好重，都有啲辣🌶，但好惹味，我覺得好好食😍。而且佢地用既係印度長米，食落乾身啲，但配上咖哩醬又出奇地平衡，唔會好難入口。雞肉方面，個飯都有6粒無骨既雞肉，唔會好柴同有雪味❄️！
- 跟住我地叫左菠菜咖哩燴雞食，我本來對菠菜咖哩期待值好高，因為雖然菠菜咖哩一向賣相唔討好，但以往食開印度菠菜咖哩芝士都好香好好食。而呢款就有啲唔同，比較油膩同味道較重，味道唔差，夾埋Naan食都可以接受，但單食就不了🤫🤭。
- 最後，我地叫左免治羊肉烤餅同芝士烤餅。先講Cheese Naan，佢同我之前食既Naan唔同，雖然同樣用左淡味既芝士，但佢地呢款一上檯都好熱辣辣🔥，而且較厚身，一定食得飽。仲有最最最重要既係，佢可以拉絲嫁😍😍😍，簡直係 #芝士迷 同 #芝士控 最愛啊，岩哂香港人口味。
- 至於免治羊肉Naan，佢平過芝士款少少，超級抵食！ #大件夾抵食 ？！ #大食夾抵件 🤣？！同時，呢個餅味道超出左我預期，佢肉碎完全唔姑寒，唔單止足料，而且一啲都唔羶，真心誠意推薦俾大家啊❤️👍🏻！
- 飲品方面，因為同行未飲過印度拉茶，所以佢想叫黎飲。但好搞笑既係，個店員叔叔都問我地真係要叫？佢話熱嫁喎，仲用純正廣東話講杯野麻麻地🤔。雖然佢好似食左誠實豆沙包咁老實，但我地都依然叫左試。我覺得呢杯茶無佢講到咁差，只係有些微香料味，個人就接受到啦。如果你地唔敢飲，就叫Mango Lassi啦，比較大路同易接受。
- P.S 餐廳有中文Menu同有人識廣東話嫁，唔洗擔心啊❤️！如果你地食唔哂，可以叫Take Away，盒同袋都唔洗加錢。 #尊重多元文化 #捍衛廣東話
Post
