OPPA Coffee Bar Restaurant

星期六lunch同老公去食韓國菜。秘製章魚蛋漿熔岩炒飯侍應會幫你用火槍燒溶啲芝士，再撈勻佢，就有得食啦。芝士、飯、章魚粒、紫菜撈勻後食真係十級邪惡，但又不能抗拒。蜜糖牛油炸雞半份都有八舊雞甘多，底下仲有薯條添。呢到炸雞既精粹在於外皮炸到超級卜卜脆，蜜糖牛油味好出，好香口惹味。魚糕湯見到魚糕串就回想起係韓國街頭食街邊魚糕串既旅行片段。魚糕湯有兩串魚糕之外，湯入面仲有雞蛋、白蘿蔔、魚糕片、年糕、紅蘿蔔絲，都幾多料。