Sodam Chicken (Closed)

鹹蛋黃！蜜糖！芝士！噴火辣！十幾款口味‼️-發明炸雞嘅人已經夠邪惡，但發明炸雞放題嘅人真係邪惡到極點，田中完全係食唔停口！-🍗炸雞+焗雞+薄餅+小食放題($148)1️⃣炸雞炸粉唔厚，夠嫩滑，件件都新鮮炸起，唔會攤凍先拎出黎。而焗雞皮更薄，冇咁熱氣，一咬肉汁超豐富。2️⃣成十幾款炸雞同焗雞，田中最推薦鹹蛋黃、蜜糖蒜香同噴火辣。3️⃣個鹹蛋黃醬真係超足料，起哂沙嘅鹹蛋黃散發油香，而蜜糖就一向同炸雞烤雞絕配，噴火辣就辣得夠惹味，有少少似韓國辣雞麵。4️⃣個放題仲包括Pizza同韓式小食，薄批Pizza夠薄夠香脆，唔係食麵包，而且4款口味混合咁上。👍🏻8/10