京饌 (Renamed) View

Apm商場間間食野都好多人，今日好想食片皮鴨，所以就嚟咗依間鋪頭。鋪頭裝修帶古典味，牆上印有古典人物，具中國色彩。依間鋪頭主要食寧波菜，但係上海、北京菜式都有得揀。好可惜，我最想食嘅片皮鴨冇得叫半隻，只能夠叫一隻，所以如果兩個人去食依間鋪頭，就冇得食片皮鴨，因為一定食唔晒一隻坐咗入嚟，唯有叫其他嘢食啦，我哋先叫做銀絲卷、花雕醉雞做前菜。銀絲卷夾落去有啲散亂，一般一般。花雕醉雞唔算入味，同普通鋪頭差唔多。反而北京水餃唔錯，配上醬汁，水餃看似乾身，但內裏有湯汁，值得一試！北京炸醬麵比想像中好食，服務員會幫你溝埋一齊，亦都可以要求自己撈，唔想食太鹹嘅就自己動手啦，不過我落晒炸漿入麵到，味道適中，唔算太鹹。最後梗係要叫個甜品，每次食上海野我都會叫個高力豆沙，今次都唔例外，食物即叫即整，甜度適中，仲有糖霜放在旁邊，相當貼心，啱晒啲最鍾意食甜野嘅食客