至尊滿屋日本料理 (Closed)

都有一段時間冇食個日式放題，去開旺角順便同個friend一齊瘋狂食刺身壽司手卷晚市未計加一，208一位都幾抵刺身嘅款式都唔少有12款，我同個friend主力都係食三文魚、大赤蝦、甜蝦、油甘魚、北海道帶子刺身、吞拿魚、深海八爪魚。油金魚刺身同埋北海道帶子刺身最好食。刺身上碟嘅賣相都唔錯壽司就揀咗鰻魚壽司、醬燒三文魚壽司、火炙蒜香牛肉壽司、意大利黑醋帆立貝壽司。牛肉壽司最正花之戀同埋海膽手卷亦都唔錯幾好食。一定要叫熟食亦都唔錯:叫咗鹽燒牛舌、燒菠蘿、燒翠玉瓜、鹽燒雞翼、焗廣東好蠔、蒜片牛肉粒。鹽燒雞翼最好食蒜片牛肉粒亦都唔錯雪櫃都有唔少嘅甜品不過已經太飽所以冇食到，只係食咗一個Häagen-Dazs雪糕。唔知係咪新味道都幾得意係奇異果加芒果乳酪。雪糕有好香嘅奇異果味仲有少少奇異果肉粒。